• Օնկոգինեկոլոգիայի կլինիկա
    Օնկոգինեկոլոգիայի կլինիկա
  • Վիրաբուժական կլինիկա. ընդհանուր և Էնդոսկոպիկ վիրաբուժության թիվ 2 բաժանմունք
    Վիրաբուժական կլինիկա. ընդհանուր և Էնդոսկոպիկ վիրաբուժության թիվ 2 բաժանմունք
  • Վիրաբուժական կլինիկա. ընդհանուր և լապարասկոպիկ վիրաբուժության բաժանմունք N1
    Վիրաբուժական կլինիկա. ընդհանուր և լապարասկոպիկ վիրաբուժության բաժանմունք N1
  • Վիրաբուժական կլինիկա. վնասվածքաբանության և օրթոպեդիայի բաժանմունք
    Վիրաբուժական կլինիկա. վնասվածքաբանության և օրթոպեդիայի բաժանմունք
  • Վիրաբուժական կլինիկա. ընդհանուր և Էնդոսկոպիկ վիրաբուժության թիվ 2 բաժանմունք
    Վիրաբուժական կլինիկա. ընդհանուր և Էնդոսկոպիկ վիրաբուժության թիվ 2 բաժանմունք
  • Ակնաբուժական կլինիկա
    Ակնաբուժական կլինիկա
  • Ակնաբուժական կլինիկա
    Ակնաբուժական կլինիկա
  • Թերապևտիկ կլինիկա. թոքաբանության բաժանմունք
    Թերապևտիկ կլինիկա. թոքաբանության բաժանմունք
  • Նաիրի-Կոքսա կլինիկա
    Նաիրի-Կոքսա կլինիկա
  • Ստոմատոլոգիական կլինիկա
    Ստոմատոլոգիական կլինիկա
  • Ինտենսիվ թերապիայի և վերակենդանացման բաժանմունք
    Ինտենսիվ թերապիայի և վերակենդանացման բաժանմունք
  • Վիրաբուժական կլինիկա. վիրահատարան
    Վիրաբուժական կլինիկա. վիրահատարան
  • Թերապևտիկ կլինիկա. անոթանյարդաբանական բաժանմունք
    Թերապևտիկ կլինիկա. անոթանյարդաբանական բաժանմունք

Առաջին անգամ Հայաստանում աղեստամոքսային տրակտի հետազոտման սկզբունքորեն նոր մեթոդ՝ կապսուլային էնդոսկոպիա

Առաջին անգամ Հայաստանում աղեստամոքսային տրակտի հետազոտման սկզբունքորեն նոր մեթոդ՝ կապսուլային էնդոսկոպիա

Աղեստամոքսային տրակտի զնման համար ամենադժվար հասանելի մասերից մեկը ժամանակակից բժշկության մեջ հանդիսանում է բարակ աղին (նրբազիքը): Բարակ աղու երկարությունը անհատական է և միջինում կազմում է մոտավորապես 3-5 մետր: Դեռ վերջերս բժիշկները կարող էին պատկերացնել բարակ աղիքի վերին մասերի ընդամենը 30-40 սմ (տասներկումատնյա աղիք) և ստորին մասի 10-20 սմ (զստաղիք): Ռենտգենյան և այլ ոչ ինվազիվ հետազոտական մեթոդները հնարավորություն են տալիս որոշել միայն կոպիտ պաթոլոգիան: Այսպիսով մինչև վերջին ժամանակներս բարակ աղիների մեծ մասը մնում էր չհետազոտված և հանելուկ էր բժիշկների համար: Այս խնդրիրը կոչված է լուծել տեսակապսուլային էնդոսկոպիան:

Կապսուլային էնդոսկոպիան՝ Էնդոսկոպիկ տեսակապսուլայի օգնությամբ բարակ աղիների հետազոտման սկզբունքորեն նոր մեթոդ է: Այն փոքր տեսախցիկիկ պարունակող սարք է:

Նաիրի ԲԿ-ի ղեկավարության հրավերով 2016 թ. սեպտեմբերի 29- ին տեխնոլոգիական Jinshan (Չինաստան) ընկերության ներկայացուցիչ Չժան Ցզյուանը կլինիկայի կոնֆերանսի դահլիճում մասնագետ էնդոսկոպիստների և գաստրոէնտերոլոգների ուշադրությանը ներկայացրեց կապսուլային էնդոսկոպիայի մեթոդը և արտադրող ընկերությունը, որն այդ բնագավառում այսօր զբաղեցնում է առաջատար դիրքերից մեկը:

Jinshan տեխնոլոգիական ընկերության գործունեության հիմնական ուղղություններից է հանդիսանում ժամանակակից բարձր տեխնոլոգիական մշակումները, գիտական հետազոտությունները, թվային բժշկական սարքավորումների վաճառքն ու ծառայությունը : ՕՄՕՄ էնդոսկոպիկ սարքավորումը իրենից ներկայացնում է Jinshan ընկերության կողմից մշակված նոր, անցավ դիագնոստիկ ախտորոշիչ գործիք :

ՕՄՕՄ կապսուլային էնդոսկոպիայի համակարգը հաջողությամբ աշխատում է Չինաստանի, Ռուսաստանի, Իսպանիայի, Գերմանիայի, Հնդկաստանի և աշխարհի այլ երկրների կլինիկանրում:

Այսօր Հայաստանը կկանգնի մի շարք երկրների կողքին, որոնք էնդոսկոպիկ կապսուլաները օգտագործում են աղեստամոքսային տրակտի, մասնավորապես, բարակ աղիների հիվանդությունների ավելի ճշգրիտ ախտորոշման համար:

Մարսողական տրակտի հետազոտությունը իրականացվում է կապսուլայի ներբերանային ընդունման եղանակով : Վերանում են հետազոտության ավանդական ձևերին բնորոշ թերությունները՝ ցավ, անհանգստություն, թույլ և մեծահասակ պացիենտների հետազոտման անհնարինությունը և այլն:

Կապսուլային էնդոսկոպիան՝ հեղափոխություն է մարսողական տրակտի հետազոտության շրջանում: Կապսուլային էնդոսկոպիայի սարքավորումը իրենից ներկայացնում է անլար սարք, որն իր մեջ ներառում է միկրոխցիկ, թվային մշակման սարք, անլար ընդունիչ և հաղորդիչ համակարգ, լուսավորիչ սարք և այլն: Կապսուլայի ներբերանային ընդունման պահից մարսողական տրակտի պատկերը փոխանցվում է էկզոսոմատիկ հաղորդիչ: Ստացվում են ամբողջ բարակ աղիների գունավոր պատկեր, նրա լորձաթաղանթի փոփոխությունների հստակ պատկեր, մասնավորապես Կրոնի հիվանդության, անհայտ էթիոլոգիայի և տեղակայման աղիքային արյունահոսություն հայտնաբերում: Կապսուլան կատարում է անդադար նկարահանում մարսողական համակարգում և հաղորդում թվային ազդակները անլար սարքի միջոցով դեպի էկզոսոմատիկ սարք: Պատկերը մշակելու համար, բժիշկը կատարում է ախտորոշում՝հիմնված ստացված պատկերների վրա:

Սարքավորման առավելություններն են՝ փոքր քաշն ու չափսը, առանց վիրաբուժական կամ ինվազիվ միջամտության նրա օգտագործումը, հետազոտության անցավ լինելը, ինֆեկցիայի անցման բացառումը, մարդու սովորական ակտիվության պահպանումը ամբողջ հետազոտման ընթացքում և այլն:

ՕՄՕՄ կապսուլային էնդոսկոպիայի օգտագործման ցուցումներն են՝

  • Մարսողական տրակտի արյունահոսություն՝ անհայտ ծագման և տեղակայման,
  • քրոնիկ երկաթ-դեֆիցիտային սակավարյունություն,
  • Կրոնի հիվանդության կասկած,
  • Բարակ աղիքի ուռուցքի կասկած,
  • Բարակ աղիքի պոլիպոզի զարգացման դինամիկ հսկողություն,
  • Կլման ակտի խանգարման հիվանդության կասկած (օրինակ հիլուս),
  • Աղիքային ներծծման դիսֆունկցիա,
  • Աղիների շարժունակության խանգարում և գլյուտենային հիվանդություն, որոնք կապված են աղիքային էպիթելի գրգռվածության հետ,
  • Բարակ աղիների լորձաթաղանթի հիվանդությունների հետազոտություն,
  • Բարակ աղիների անհայտ էթիոլոգիայի հիվանդություններ,
  • Մարսողական տրակտի բժշկական հետազոտություն

Հակացուցումներ՝

  • Կլման ֆունկցիայի խանգարում (դիսֆագիա)
  • Աղեստամոքսային տրակտի օբստրուկցիա կամ նեղացում
  • Մարսողական տրակտի ֆիստուլա կամ ներթափանցք,
  • Աղիքի սուր բորբոքում, կոլիտ
  • Սուր սակավարյունություն
  • Էլեկտրասնուցում օգտագործող ցանկացած իմպլանտների առկայություն, այդ թվում նաև կարդիաստիմուլյատոր
  • Հղիություն

Արդյունավետ հետազոտության համար պահանջվում է աղիների ճիշտ նախապատրաստում:Կապսուլան ինքնուրույն անցնում է աղեստամոքսային տրակտով, և բժիշկները չունեն հնարավորություն վերացնել նրա ճանապարհին հանդիպող աղիքային պարունակությունը կամ ղեկավարել նրա շարժումը որպեսզի զննել հետաքրքրող շրջանը բոլոր կողմերից: Հետևաբար նախապատրաստման որակը ուղղակիորեն ազդում է ախտորոշման որակի վրա: Նախապես կատարվում է աղիների ստանդարտ նախապատրաստում էնդոսկոպիկ հետազոտության համար:

Հետազոտությունը անցկացնելու համար պացիենտին հագցվում է ընդունող սարք, որը կապսուլայից ազդակ է ընդունում: Կապսուլան ակտիվանում է հատուկ սարքի միջոցով, ըմպվում է քիչ քանակի ջրով: Այդ ընթացքը չի տարբերվում հաբ ընդունելու ընթացքից: Դրանից հետո բժիշկը ստուգում է կապսուլայի աշխատունակությունը համակարգչի օգնությամբ:

Կուլ տալուց հետո կապսուլան տեղաշարժվում է հետևյալ ուղղությամբ՝ կերակրափող – ստամոքս- 12մատնյա աղիք - բարակ աղիք – զստաղիք - հաստ աղիք – ուղիղ աղիք, միառժամանակ կատարելով անդադար նկարահանում՝ ստեղծելով շատ քանակությամբ պատկերներ: Թվային ազդակները փոխանցվում են անլար կապի միջոցով դեպի պատկերների ձայնարկիչ: Բոլոր պատկերները ավտոմատ կերպով պահպանվում են ձայնարկիչում: Բոլոր տվյալները դուրս են բերվում համակարգչի վրա հատուկ դիտման ծրագրով: Տվյալների վերծանումը զբաղեցնում է մի քանի ժամ, որից հետո պացիենտին տրվում է պրոտոկոլ՝ բնութագրով, եզրահանգմամբ և պատկերների ֆոտոներով, որոնք ունեն ախտորոշիչ նշանակություն: Հետազոտման ժամանակը կազմում է 8-15 ժամ: Կապսուլան դուրս է բերվում օրգանիզմից բնական ճանապարհով կղանքի հետ:

1944թ. ծնված պացիենտ Խ.Խ.-ն 2016թ. սեպտեմբերի 28-ին դիմեց Նաիրի ԲԿ ՝վերջին երեք - չորս տարվա ընթացքում խրոնիկ դարձած փորլուծության գանգատներով: Ըստ հետազոտության տվյալների՝ գաստրոսկոպիայի, կոլոնոսկոպիայի, արյան և մեզի անալիզների, ոչ մի պաթոլոգիա, որը կբացատրեր պացիենտի գանգատները, չեր հայտնաբերվել: Անամնեզում` հիվանդը տառապում էր շաքարային դիաբետով և հիպերտոնիկ հիվանդությամբ: Սեպտեմբերի 30-ին հիվանդը նախապատրաստվեց տեսակապսուլային էնդոսկոպիայի: Հետազոտությունից երկու օր առաջ հիվանդը պահպանում էր հատուկ սննդակարգ, որն ուղղված էր աղիքների մաքսիմալ մաքրմանը: Մեկ օր հետազոտությունից առաջ աղիները լրացուցիչ մաքրվեցին (հոգնա):

էռոզիվ անտրալ գաստրիտ Արտահայտված դուոդենիտ Բարակ աղի - նորմա Լորձաթաղանթի հարթեցվածություն Լորձաթաղանթի հարթեցվածություն Լորձաթաղանթի հարթեցվածություն

Սեպտեմբերի 30-ի առավոտյան, հետազոտությունից 40 րոպե առաջ, հիվանդը խմեց 30 մլ լուծված սիմետիկոն: Սարքավորման համապատասխան պատրաստումից հետո՝ ձայնարկիչը միացնելով ցուցիչին, պացիենտը ըմպեց կապսուլան քիչ քանակի ջրով: Տեսակապսուլայի տեղափոխումը (աղեստամոքսային տրակի միջով անցնելը) տևեց 11 ժամ 52 րոպե: Հաջորդ առավոտյան տեղեկությունը ձայնարկիչից տեղափոխվեց համակարգչի վրա և հատուկ լիցենզավորված ծրագրի օգնությամբ մշակվեց:

Հետազոտության եզրակածությունն էր՝ Էրոզիվ անտրալ գաստրիտ, արտահայտված դուոդենիտ, արտահայտված տերմինալ իլեիտ (զստաղիքաբորբ), մակերեսային կոլիտ:

Հիպերեմիայի հատված Հիպերեմիայի հատված Հիպերեմիայի հատված Արտահայտված տերմինալ իլեիտ Արտահայտված տերմինալ իլեիտ Իլեոցեկալ անցում

Համագործակցության սկիզբը Չինաստանի առաջատար Jinshan տեխնոլոգիական ընկերության հետ , որը զբաղեցնում տեսակապսուլային տեխնոլոգիայի ոլորտում առաջատար տեղերից մեկը, և նորարական տեխնոլոգիաների ներդնումը Նաիրի ԲԿ, թույլ կտա հասցնել Հայաստանի բժշկությունը համաշխարհային մակարդակի , մասնավորապես, ստամոքսաղիքային հիվանդությունների հետազոտության և ախտորոշման բնագավառում:

6 հոկտեմբերի 2016