Ակնաբուժական կլինիկա

Ընդհանուր բնութագիրը

«Նաիրի» բժշկական կենտրոնի ակնաբուժական կլինիկան հիմնադրվել է 2011 թվականին՝ ռուսական առաջատար կլինիկաներից մեկի՝ Ռուսաստանի բժշկական գիտությունների ակադեմիայի Աչքի հիվանդությունների գիտահետազոտական ինստիտուտի, անմիջական մասնակցությամբ եւ աջակցությամբ:

«Նաիրի» բժշկական կենտրոնի ակնաբուժական կլինիկան բարձր տեխնոլոգիական ծառայությունների լայն սպեկտոր է մատուցում մեծահասակների եւ երեխաների աչքի հիվանդությունների ախտորոշման և բուժման ոլորտում՝ դեղորայքային, լազերային եւ միկրովիրաբուժական մեթոդներով:

Կլինիկան հագեցած է ժամանակակից բարձրորակ ախտորոշիչ սարքերով, եզակի միկրովիրաբուժական համակարգերով, լազերային սարքերով, և կիրառում է տեսողության ամենատարբեր խնդիրների լուծման առաջատար մեթոդներ ու տեխնոլոգիաներ: Այստեղ աշխատում են բարձրորակ ակնաբույժներ, ովքեր կատարելագործվել եւ մասնագիտացել են աշխարհի առաջատար կլինիկաներում: Յուրաքանչյուր հիվանդին ցուցաբերվում է անհատական մոտեցում, ստեղծված են ախտորոշման եւ բուժման համար առավելագույն հարմարավետ պայմաններ:

«Նաիրի» ակնաբուժական կլինիկայյի ներքո գործում է.

• Խորհրդատվական ծառայություն (կոնսերվատիվ և լազերային բուժում)
• Ախտորոշման ծառայություն
• Վիրաբուժական ծառայություն (բոլոր տեսակի լազերային վիրահատություններ)
• Մանկական ակնաբուժություն:

Ախտորոշման ծառայությունը ներառում է հետևյալ ախտորոշման սենյակները.

• առաջնային ստուգում,
• գլաուկոմայի ախտորոշում,
• կատարակտի ախտորոշում,
• ամետրոպիայի ախտորոշում,
• ցանցաթաղանթի հիվանդությունների ախտորոշում,
• արցունքատար ուղիների եւ կոպերի ձեւախախտումների ախտաբանության ախտորոշում,
• աչքի ուլտրաձայնային հետազոտություն:

Խորհրդատվական ծառայությունն իրականացվում են աչքի հիվանդությունների բուժման հետևյալ մեթոդները.

• կոնսերվատիվ-սարքավորումային բուժում,
• դեղորայքային բուժում,
• լազերային բուժում,
• վիրահատական բուժում:

Վիրաբուժական ծառայությունն իրականացվում է.

• կոնսերվատիվ-սարքավորումային բուժում,
• դեղորայքային բուժում,
• լազերային բուժում,
• վիրահատական բուժում:

Մանկական ակնաբուժական ծառայությունն իրականացնում է երեխաների` նորածնային հասակից սկսած, տեսողության համալիր ախտորոշում: