Լուրեր

«Տպավորված եմ տեղի մասնագետների պրոֆեսիոնալիզմով, վստահ եմ,    որ «Նաիրի»  ԲԿ-ի ուրոլոգները  մեծ հաջողություններ են գրանցելու  շագանակագեղձի ադենոմայի լազերային էնուկլեացիայի աշխատանքներում։  Շնորհակալ եմ «Նաիրի» ԲԿ-ի ղեկավարությանը և ուրոլոգներին ինձ Հայաստան հրավիրելու համար ։ Ուրախ եմ, որ կարողանում եմ օգտակար լինել և կիսվել իմ փորձով», - «Նաիրի» ԲԿ-ում մաստեր կլլասեր իրականացնելու ժամանակ ասել է եվրոպացի ուրոլոգ Մարեկ Զավաձկին։ 

Վերջինիս գլխավորությամբ՝ հունվարի 23-ին և 24-ին  «Նաիրի» ԲԿ-ում  կատարվել են ուրոլոգիական վիրահատություններ։ Գործող ակցիայի շրջանակում ՝  10  բուժառու հնարավորություն է ստացել վիրահատվել կես գնով։   Վիրահատություններն իրականացվել են Հայաստանում միակ, ժամանակակից  «Սայբեր հոլմիում 150»  ուրոլոգիական լազերով: Անդրադառնալով լազերին՝ Մարեկ Զավաձկին նշել է, որ այն լավագույնն է աշխարհում։ «Ես եղել եմ աշխարհի տարբեր կլինիկաներում, աշխատել տարբեր լազերներով, սակայն Նաիրի ԲԿ-ի ուրոլոգիական լազերը, որը միակն է Հայաստանում ՝ անգերազանցելի է։  Լազերները մեր ներկան են և ապագան»,- ընդգծել եվրոպացի մասնագետը ։ 

Մարեկ Զավաձկին վստահեցրել է՝  «Սայբեր հոլմիում 150» ուրոլոգիական լազերով կատարվող վիրահատություններն ամենապահովն ու արդյունավետն են։ Անվանի ուրոլոգի  այցը  «Նաիրի» ԲԿ ևս մեկ  քայլ առաջ է դեպի ժամանակակից բժշկություն։ «Նաիրի» և «Էրեբունի» ԲԿ-ների ուրոլոգիական թիմերը հնարավորություն են ունեցել  խորացնել իրենց մասնագիտական գիտելիքները ՝ միզուղիների քարերի լազերային  փշրման և  շագանակագեղձի ադենոմայի լազերային էնուկլեացիայի գործում: