News

Ավշային հանգույցները ոչ մեծ, օվալ կամ կլորավուն պերիֆերիկ իմուն համակարգի օրգաններ են, որոնք կատարում են պաշտպանիչ ֆիլտրի դեր: Արյունը մաքրում են ախտածին մանրէներից, վիրուսներից, սնկերից: Ավշային հանգույցները պատնեշ են ուռուցքային բջիջների համար:

Ստորև ներկայացվում եմ հաճախ տրվող մի քանի հարցերի պատասխաններ:

Որտե՞ղ են տեղակայված ավշային հանգույցները:

Ավշային հանգույցները տեղակայված են մարմնի հետևյալ հատվածներում.

• ստործնոտային, ստորկզակային,
• ծոծրակային,
• վերանրակային, ստորանրակային,
• անութափոսային (թևատակ),
• հետորովայնամզային,
• աճուկային,
• հետծնկային:

Ի՞նչ է տեղի ունենում ախտաբանական գործընթացների ժամանակ:

Ախտաբանական գործընթացների արդյունքում ավշային հանգույցները կարող են կրել փոփոխություններ.

• չափերի մեծացում,
• պնդացում,
• ոչ բնորոշ ձև,
• սինուս-կեղև դիֆերենցացիայի փոփոխություն:

Ե՞րբ դիմել ուլտրաձայնային հետազոտության:

Հարկ է ուլտրաձայնային հետազոտության դիմել, երբ առկա է անհարմարավետության, ցավի, պինդ զանգվածի զգացողություն, ծավալային գոյացության առկայություն համապատասխան հատվածներում: Ամեն դեպքում, ավշային հանգույցների մեծացումն անհանգստացնող ախտանիշ է, որը ցուցում է դիմելու ուլտրաձայնային հետազոտության:

Որքանո՞վ է ՈՒՁՀ-ն տեղեկատվական:

ՈՒՁՀ թույլ է տալիս շատ արագ (տվյալ պահին) պարզել ավշային հանգույցների ախտահարման բնույթը:

Ավշային հանգույցները մեծանում են.

• բարորակ (ռեակտիվ, պոստռեակտիվ),
• չարորակ,
• մետաստատիկ ախտահարումների ժամանակ

«Նաիրի» բժշկական կենտրոնում առկա նոր սերնդի Toshiba aplio i800 սարքի շնորհիվ առավել տեղեկատվական է դարձել ավշային հանգույցների ուլտրաձայնային հետազոտությունը:

Լրացուցիչ տեղեկատվության համար կատարվում է պունկցիոն կամ բաց բիոփսիա, ՀՏ կամ ՄՌՏ հետազոտություններ:

Հարցերին պատասխանեց Քրիստինե Ալեքսանի Մարտիրոսյանը,

սոնոգրաֆիստ «Նաիրի» բժշկական կենտրոնում