Լուրեր

Նորմայում արցունքը հոսում է բարակ արցունքատար խողովակներով, որոնք ձգվում են աչքից մինչեւ քթի խոռոչ: Արցունքատար խողովակի խցանման դեպքում մասսամբ կամ ամբողջությամբ խախտվում է արցունքի արտահոսքը վերոնշյալ խողովակով: Այս դեպքում արցունքը կուտակվում է արցունքապարկում, այտուցվում եւ բորբոքվու, երբեմն ինֆեկցիա ձեռք բերում:

Արցունքատար խողովակների խցանում է հանդիպում 100 նորածնից 6-ի մոտ: Մեծահասակների մոտ արցունքատար խողովակների խցանումը հազվադեպ է պատահում եւ առաջանում է տարիքային փոփոխությունների ու վնասվածքների հետեւանքով:

Արցունքատար խողովակների խցանման առաջին ախտանշանները երեւան են գալիս արցունքահոսքի արտահայտվածության տարբեր աստիճանով: Արցունքատար խողովակների խցանումների դրսեւորումները կարող են վատանալ վերին շնչուղիների ինֆեկցիոն հիվանդություններից հետո: Արցունքատար խողովակների խցանման պատճառը մեծահասակների շրջանում, որպես կանոն, կապված է հիմնական հիվանդության կամ վնասվածքի հետ: Օրինակ՝ այն կարող է առաջանալ արցունքատար խողովակները ծածկող հյուսվածքների հաստացման, հյուսվածքների կազմության կամ քթոսկրի կառուցվածքի խանգարման հետեւանքով կամ քթի շրջանում կատարված վիրահատությունից հետո որպես բարդություն:

Եթե վարակումը տեղի է ունենում աչքի դրենաժային համակարգում, կարող է կարմրություն կամ այտուց առաջանալ աչքերի կամ քթի շուրջը: Դրանից բացի, աչքերի անկյուններում կարող է կուտակվել դեղնավուն արտադրություն, եւ կոպերը կարող են իրար կպչել: Ծանր դեպքերում ինֆեկցիան կարող է տարածվել կոպերի եւ աչքերի շուրջը գտնվող հատվածների վրա:

Դրանից բացի, ախտանշանները կարող են ավելի նկատելի լինել քամու, ցրտի եւ արեգակի վառ լույսի ազդեցությունից հետո:

Արցունքատար խողովակների խցանման ախտորոշումը կատարվում է հիվանդության պատմության եւ ֆիզիկական զննման հիման վրա: Դրանից բացի, կարող են օգտագործվել մի քանի թեստեր արցունքի քանակը չափելու եւ հայտնաբերելու համար, թե որքանով է նորմալ աչքերից արցունքի արտահոսքը:

Հայաստանում միայն «Նաիրի» ԲԿ-ի Աչքի կլինիկայում է կոնտրաստային դակրիոգրաֆիա կոչվող ինովացիոն մեթոդով ճշգրիտ որոշվում արցունքատար խողովակների նեղացման տեղադրությունը եւ աստիճանը:

Բուժման մեթոդները

Եթե բուժման կոնսերվատիվ մեթոդներն արդյունավետ չեն, ապա իրականացվում է արցունքատար խողովակների ինտերվենցիոն կամ վիրաբուժական շտկում:

Զոնդավորում, որը հիմնված է արցունքատար խողովակի խցանման միջով զոնդն անցկացնելու վրա՝ այն բացելու համար: Զոնդավորումը արցունքատար խողովակի խցանում ունեցող 100 երեխայից 90-ի խողովակը հաջողությամբ բացում է: Մեծահասակների դեպքում այն պակաս արդյունավետ է:
Ինտուբացիա, որի դեպքում արցունքահոսքի մեջ սիլիկոնային խողովակ է տեղադրվում, որպեսզի քթի խոռոչ արցունքի կողմնատար ուղի ստեղծվի:
Քթի խոռոչի խորքում քթոսկրի ծակում, որպեսզի բաց ուղի ստեղծվի եւ մեծանա քթի խոռոչ մտնող ուղու անցումը:
Գլանանոթային դակրիոցիստոպլաստիկայի դեպքում մանրաչափ անոթը, որն ամրացվում է զոնդին, օգտագործվում է արցունքատար խողովակը բացելու համար:
Էնդոսկոպիկ եւ լազերային դակրիոցիստորինոստոմիա: Այս միջամտության դեպքում նոր արցունքատար խողովակ է ստեղծվում քթի խոռոչ լուսավորող գործիքների եւ ծայրին միկրոխցիկ ունեցող ճկուն խողովակի փոխանցման օգնությամբ:

Մեծահասակների շրջանում արցունքատար խողովակի խցաման դեպքում վիրաբուժական միջամտության տեսակը կախված է խողովակի խցանման պատճառից եւ կարող է պարունակել վերեւում թվարկված տարբերակներից ցանկացածը:

Խորհրդատվության եւ ընդունելության գրանցման համար կարող եք դիմել հետեւյալ հեռախոսահամարով՝ +374 10 502 522, +374 91 555 156, 8900:

Դիտեք մեր youtube-ի ալիքով: