Լուրեր

«Նաիրի» ԲԿ ախտորոշիչ լաբորատորիան համալրվել է աշխարհի առաջատար ընկերությունների ժամանակակից բարձրակարգ սարքերով, որոնք հատուկ աշխատանքային մեխանիզմների ու ծրագրային ապահովման շնորհիվ հետազոտություններն իրականացնում են բարձր ճշգրտությամբ և կարճ ժամկետներում:

BIOMERIEUX VITEK 2 COMPACT

Վերլուծիչի առանձնահատկություններն են.

• հետազոտության պատասխանը` 5-18 ժամ անց, կախված մանրէների աճի առանձնահատկություններից (մաքուր կուլտուրայի անջատումից),
• իդենտիֆիկացիա (նույնականացում)` մինչև տեսակ,
• զգայնություն 21-հակաբիոտիկների նկատմամբ` արտահայտված MIC (նվազագույն ճնշող (բակտերիոցիդ) կոնցենտրացիա) չափման միավորով:
• հակաբիոտիկների զգայունություն (IN VITRO, IN VIVO). համապատասխանեցում` համաձայն CLSI, EUCAST & FDA ուղեցույցների:

STA COMPACT MAX 3

STA Compact Max 3 համակարգը նախատեսված է հեմոստազի հետազոտման համար և հնարավորություն է տալիս ընդլայնել հասանելի մեթոդների ցանկը (ավելի քան` 30) , ինչպես կլոտինգային, այնպես էլ իմունատուրբիդիմետրիկ և խրոմոգեն, մեծացնում է հետազոտվող նմուշների քանակը (ժամում` մինչև 150)` պահպանելով արդյունքի ճշգրտությունը և հուսանելիությունը :

Սարքում շտրիխ կոդավորման համակարգը բացառում է մարդկային գործոնը և հնարավոր սխալները:

Կլոտինգային մեթոդի շնորհիվ, որը համարվում է «ոսկե ստանդարտ» այս ոլորտում, ստացված արդյունքները կախված չեն հետազոտվող նմուշների օպտիկական հատկությունների հետ (հեմոլիզ, լիպեմիա, իկտերիա):

Վերլուծիչն ունի գործարանային կալիբրատորների և ստուգիչ նյութերի ավտոմատ գրանցման, տեղադրման համակարգ և կատարման արձանագրություններ, ինչպես նաև ռեագենտների, արխիվացված պատասխանների, ծրագրերի կառավարման ամբողջական հսկողություն:

SYSMEX XN 1000

XN 1000-ը Sysmex արյունաբանական վերլուծիչների շարքում առաջատարն, ունի առավել բարելավված տեխնիկական և անալիտիկ բնութագրեր` ի համեմատ նախորդների: Շնորհիվ կիրառված գերժամանակակից տեխնոլոգիաների (ֆլուորեսցենտային հոսքային ցիտոմետրիա) կարող ենք ստանալ 28 ստանդարտ ախտորոշիչ ցուցանիշ և 16` հավելյալ: Սարքը հնարավորություն է տալիս իրականացնել մեծ քանակությամբ ռուտինային հետազոտություններ (100 նմուշ` ժամում), ապահովում է որակյալ վերարատադրելի արդյունքներ հնարավորին կարճ ժամկետում, որտեղ արագությունը որակի հաշվին չէ:

Հարկ է նշել, որ XN-CBC ռեժիմում վերլուծիչը կատարում է նաև NRBC հաշվարկ, ինչի շնորհիվ ստանում ենք լեյկոցիտների թվի վստահելի հաշվարկ: Վերլուծիչը հնարավորություն է տալիս հետազոտություն իրականացնելարյան շատ փոքր ծավալների դեպքում (88 mkl), ինչը կարևոր է նորածիններին և երեխաներին հետազոտելիս:

XN-DIFF ռեժիմում հաշվարկը ներառում է ո՛չ միայն լեյկոցիտների տեսակների բարձր զգայունությունով տարբերակումը, այլ նաև ոչ հասուն գրանուլոցիտների արժեքը` IG:

Սարքն ունի նաև «լեյկոցիտների ցածր կոնցենտրացիայի ռեժիմ»: