Մագնիսառեզոնանսային տոմոգրաֆիան (MRI) բժշկական հետազոտության մեթոդ է, որն օգտագործում է մագնիսական դաշտերը և ռադիոալիքները՝ մարմնի ներքին կառուցվածքի մանրամասն պատկերներ ստեղծելու համար: ՄՌՏ-ն լայնորեն օգտագործվում է տարբեր հիվանդություններ ախտորոշելու և ուսումնասիրելու համար, ինչպիսիք են, օրինակ, ուղեղի և ողնուղեղի, հոդերի, որովայնի օրգանների, կրծքավանդակի, արյան անոթների և փափուկ հյուսվածքների հիվանդություններ:

Այցելության ցուցումներ 

Մի շարք դեպքերում բժիշկը կարող է ուղղորդել պացիենտին անցնելու Մագնիսառեզոնանսային տոմոգրաֆիա (MRI) հետազոտություն: 

Ահա որոշ ընդհանուր ախտանիշներ, որոնք կարող են առաջացնել MRI հետազոտություն իրականացնելու անհրաժեշտություն․

• Գլխացավ. Ծանր, հաճախակի կամ անբացատրելի գլխացավեր, հատկապես, եթե դրանք չեն վերանում ստանդարտ բուժմներ իրականացնելուց հետո, 
• Նյարդաբանական ախտանիշներ. Ցնցումներ, թմրություն, թուլություն, տեսողության փոփոխություններ, գլխապտույտ, անքնություն և այլ նյարդաբանական ախտանիշներ,
• Գլխի և պարանոցի վնասվածքներ,
• Մեջքի ցավ․ երկարատև կամ ինտենսիվ մեջքի ցավ, հատկապես եթե ուղեկցվում է այլ ախտանիշներով,
• Ուռուցքաբանական խնդիրներ. օրգաններում կամ հյուսվածքներում ուռուցքի կամ նորագոյացության առկայության կասկածների դեպքում,
• Որովայնի օրգանների հիվանդություններ,
• Կրծքավանդակի շրջանում ցավեր,
• Անոթային խնդիրներ. 

Սովորաբար, MRI հետազոտություն իրականացնել ուղղորդում է բժիշկը՝ հիմնվելով բժշկական պատմության, կլինիկական ախտանիշների և առկա այլ տվյալների վրա: 

ՄՌՏ հետազոտություն շրջանակներում իրականացվում են՝

• Գլխի և ուղեղի ՄՌՏ
• Ողնաշարի ՄՌՏ
• Պարանոցի ՄՌՏ
• Կրծքավանդակի ՄՌՏ
• Որովայնի ՄՌՏ
• Ոսկորների և հոդերի ՄՌՏ
• Ողնաշարի ՄՌՏ
• Վերջույթների ՄՌՏ և այլն

Մեր սարքավորումները 

Մագնիսառեզոնանսային տոմոգրաֆիայի նոր սերնդի սարքերը հնարավորինս սեղմ ժամանակահատվածում լայնածավալ հետազոտություններ են կատարում: Ի տարբերություն հին սերնդի մագնիսառեզոնանսային տոմոգրաֆների, նոր սարքերի պարագայում հետազոտության համար ընդամենը 5-20 րոպե է պահանջվում:

Magnetom Aera 1,5 Tունի գլխուղեղի արագ հետազոտման GO Brain ծրագիր, որի օգնությամբ մեկ կոճակի հպումով հետազոտվում է գլխուղեղը` բազմաթիվ դիրքերով, անհրաժեշտության դեպքում կոնտրաստ նյութերի կիրառմամբ: Տոմոգրաֆի բացառիկ՝ Whole-body diffusion ծրագիրը հնարավորություն է տալիս սկանավորել հիվանդի ամբողջ մարմինը՝ ոտքից գլուխ, հատուկ քննության ենթարկել ուռուցքով հիվանդին, միանգամից տեսնելով բոլոր ակտիվ օջախները, ուռուցքների տեղակլայումը և չափերը, ինչպես նաև գնահատել քիմիաթերապիայի և ճառագայթային թերապիայի արդյուքները: 

Արհեստական բանականության շնորհիվ MAGNETOM Vida 3 Տեսլա մագնիսառեզոնանսային տոմոգրաֆիկ սարքն ախտորոշման ընթացքում գտնում է առկա խնդիրները, դասակարգում, դրանով իսկ օգնում բժշկին՝ առավել արագ և անսխալ կողմնորոշվել և ախտորոշել: Մագնիսական դաշտի 3 տեսլա հզորություն, մեծ տեսանելիություն, առավել հստակ պատկերներ և գերճշգրիտ եզրակացություն.,այսպիսով, MAGNETOM Vida 3 Տեսլան ապահովում է բացառիկ որակ և արագություն:

Բազմաթիվ գործառույթների և ծրագրերի շնորհիվ այս սարքը թույլ է տալիս բազմակի անգամ կրճատել հետազոտության անցկացման ժամանակահատվածը. ընդհուպ 10 րոպե: Ծառայությունն աշխատում է առանց հանգստի, 7 օր 24 ժամ ձևաչափով:

Երևանում ՄՌՏ հետազոտության կարող եք գրանցվել զանգահարելով  +37410536933 կամ +37499991616 հեռախոսահամարով կամ այցելել Պարոնյան փողոց, 21 շենք: