Ի՞նչ է միջողնային ճողվածքը

Միջողնային ճողվածքը հիվանդություն է, որի դեպքում միջողնային սկավառակի թելքավոր օղակը պատռվում է, իսկ նրա պարունակությունը դուրս է գալիս: Սա կարող է սեղմել նյարդային արմատները կամ ողնուղեղը՝ առաջացնելով ցավ, թմրածություն և շարժունակության սահմանափակում:

Միջողնային ճողվածքի ախտանիշները

Միջողնային ճողվածքը կարող է դրսևորվել հետևյալ ախտանիշներով․

• Մեջքի կամ վզի ցավ, որը ուժեղանում է շարժումների ժամանակ,
• Ցավի տարածում դեպի վերին կամ ստորին վերջույթներ,
• Թմրածություն և ծակծկոց ձեռքերում կամ ոտքերում,
• Մկանային թուլություն,
• Ողնաշարի շարժունակության սահմանափակում,
• Ծանր դեպքերում՝ կոնքային օրգանների ֆունկցիայի խանգարումներ։

Ախտորոշում

Միջողնային ճողվածքի ախտորոշումը ներառում է․

• ՄՌՏ (մագնիսառեզոնանսային տոմոգրաֆիա) – ամենաինֆորմատիվ մեթոդը, որը թույլ է տալիս որոշել ճողվածքի չափերն ու տեղակայումը,
• ԿՏ (համակարգչային տոմոգրաֆիա) – օգտագործվում է ՄՌՏ-ի անհնարինության դեպքում,
• Ռենտգենագրություն – օգնում է հայտնաբերել ուղեկցող փոփոխությունները ողնաշարում,
• Էլեկտրոմիոգրաֆիա – գնահատում է նյարդային կառույցների վնասման աստիճանը։

Երբ է անհրաժեշտ վիրահատական միջամտություն

Միջողնային ճողվածքի հեռացման վիրահատությունը կատարվում է, երբ․

• պահպանողական բուժումը (դեղորայք, ֆիզիոթերապիա, բուժական ֆիզկուլտուրա) արդյունք չի տալիս,
• ցավային համախտանիշը շատ արտահայտված է և չի վերանում դեղորայքով,
• աճում է վերջույթների թուլությունը,
• խանգարվում է կոնքային օրգանների ֆունկցիան,
• զգալիորեն նվազում է կյանքի որակը։

 «Նաիրի»-ում իրականացվում են միջողնային ճողվածքների բուժման ժամանակակից և նվազ ինվազիվ բոլոր մեթոդները, ինչը նվազագույնի է հասցնում վիրահատական վնասվածքը և արագացնում վերականգնումը․

• Միկրոդիսկէկտոմիա – ճողվածքի հեռացում փոքր կտրվածքի միջոցով՝ միկրոսկոպի կիրառմամբ։ Տեխնիկան նվազագույն վնաս է հասցնում շրջակա հյուսվածքներին, նվազեցնում բարդությունների ռիսկը և ապահովում արագ վերականգնում,
• Էնդոսկոպիկ դիսկէկտոմիա – իրականացվում է փոքր անցք կատարելով՝ էնդոսկոպի օգնությամբ, ինչը կրճատում է հիվանդանոցում մնալու և վերականգնման ժամկետները,
• Լազերային վապորիզացիա – միջողնային սկավառակի մի մասը գոլորշիացվում է լազերով, ինչը նվազեցնում է ճնշումը նյարդային վերջավորությունների վրա,
• Նուկլեոպլաստիկա (սառը պլազմայի կոագուլյացիա) – նվազ ինվազիվ մեթոդ, որը սառը պլազմայի միջոցով նվազեցնում է ճողվածքի ծավալը և նվազեցնում նյարդային կառույցների սեղմվածությունը,
• Պերկուտան դիսկէկտոմիա – կատարվում է փոքր անցքի միջոցով հատուկ գործիքներով, ինչը նվազագույնի է հասցնում հյուսվածքների վնասվածքը,
• Պեդիկուլոֆիքսացիա – ողնաշարի կայունացման մեթոդ, որը կիրառվում է բարդ դեպքերում, ինչպես օրինակ՝ կրկնվող ճողվածքներ կամ ողնաշարի հատվածի անկայունություն։

Բոլոր վիրահատությունները «Նաիրի»-ում կատարվում են նորագույն սարքավորումների և նվազ ինվազիվ մեթոդների կիրառմամբ, ինչը զգալիորեն կրճատում է վերականգնման շրջանը։

Առաջատար մասնագետ

«Նաիրի» բժշկական կենտրոնի նյարդաբանության և նեյրովիրաբուժության բաժանմունքում միջողնային ճողվածքների վիրահատությունները կատարում է Արման Հակոբյանը, բժշկական գիտությունների դոկտոր, բաժանմունքի ղեկավար։ Նա մասնագիտացած է նեյրովիրաբուժության ժամանակակից մեթոդների վրա, ներառյալ նվազ ինվազիվ տեխնիկաներն ու ողնաշարի կայունացման բարդ վիրահատությունները, ինչպիսին է պեդիկուլոֆիքսացիան։ Բարձր մասնագիտական հմտությունների և տարիների փորձի շնորհիվ պացիենտները ստանում են արդյունավետ և անվտանգ բուժում։

Վիրահատությանը նախապատրաստում

Միջամտությունից առաջ պացիենտը անցնում է լրիվ հետազոտություն, որը ներառում է՝

• Արյան անալիզներ,
• ԷՍԳ (էլեկտրասրտագրություն),
• Անզգայացման խորհրդատվություն։

Վիրահատությունից մի քանի օր առաջ խորհուրդ է տրվում դադարեցնել արյան մակարդելիությունը նվազեցնող և բորբոքումն ընկճող դեղամիջոցների ընդունումը։

Վերականգնում միջողնային ճողվածքի հեռացումից հետո

Հետվիրահատական շրջանում կարևոր է հետևել բժշկի հանձնարարականներին․

• Խուսափել ծանր ֆիզիկական ծանրաբեռնվածությունից,
• Անհրաժեշտության դեպքում կրել օրթոպեդիկ կորսետ,
• Անցնել ֆիզիոթերապիայի և բուժական ֆիզկուլտուրայի կուրս,
• Վերահսկել մարմնի քաշը և պահպանել ճիշտ կեցվածք։

Լիարժեք վերականգնումը տևում է մի քանի շաբաթից մինչև մի քանի ամիս։

Ինչո՞ւ դիմել «Նաիրի»

• Փորձառու նեյրովիրաբույժներ,
• Բուժման նորագույն մեթոդների կիրառում,
• Բարձր տեխնոլոգիական սարքավորումներ,
• Անհատական մոտեցում յուրաքանչյուր հիվանդին,
• Բոլոր նվազ ինվազիվ մեթոդների կիրառություն՝ վերականգնման ժամկետները կրճատելու համար։

Հասցե՝ ք. Երևան, «Նաիրի» բժշկական կենտրոն
Հեռախոս՝ +374 96601560