Նյարդաբանություն և նյարդավիրաբուժություն

Նյարդավիրաբուժության և նյարդաբանության կենտրոնը ստեղծվել է նյարդավիրաբուժական և նյարդաբանական ծառայությունների աշխատանքի օպտիմալացման, պրոֆիլային բուժառուներին մատուցվող բժշկական ծառայությունների որակի լավացման նպատակով։ Գտնվելով բազմապրոֆիլ բժշկական կենտրոնի կազմում՝ հնարավորություն ունի ապահովել կենտրոնական և պերիֆերիկ նյարդային համակարգի տարբեր հիվանդությունների ախտորոշման և բուժման մուլտիդիսցիպլինար մոտեցում։ Մահճակալային ֆոնդը կազմված է առանձին հարմարավետ հիվանդասենյակներից։ Վիրասրահը համալրված է ամենաժամանակակից նյարդավիրաբուժական սարքերով, ինչը հնարավորություն է տալիս իրականացնել հանրապետությունում եզակի նյարդավիրաբուժական միջամտություններ՝ ցանկացած բարդության։

Նյարդային համակարգի ուռուցքաբանական ծառայությունների մասին ավելին կարող եք ծանոթանալ հետևյալ հղումով:

Նյարդավիրաբուժության ոլորտում Հայաստանի հանրապետությունում առաջին անգամ մեր կողմից է կիրառվել և ակտիվորեն ներդրվել մաշկանց (առանց կտրվածքի) էնդոսկոպիկ միջամտությունները։ Ներկայում կատարվել են թե՛ գլխի և թե՛ ողնաշարի հարյուրավոր էնդոսկոպիկ վիրահատություններ բարենպաստ ելքերով։

Սարքերով հագեցվածությունը թույլ է տալիս վիրահատությունները կատարել անվտանգ։ Դա հասանելի է դառնում այնպիսի մեթեդների օգտագործման արդյունքում, ինչպիսիք են նեյրոնավիգացիան, ներվիրահատական նեյրոմոնիտորինգը։

«Նաիրի» ԲԿ նյարդավիրաբուժության և նյարդաբանության կենտրոնը միակն է Հայաստանում, որ հնարավորություն ունի ապահովել բուժման բարձր որակ ստերեոտակտիկ և ֆունկցիոնալ նյարդավիրաբուժության բնագավառում՝ տիրապետելով բարձրակարգ հմտությունների և ժամանակակից սարքերի։

Հանրապետությունում «Նաիրի» ԲԿ–ն միակն է, որտեղ կատարվում են գլխուղեղի արթուն վիրահատություններ՝ հիվանդի պարզ գիտակցությամբ, ապահովելով համապատասխան անեսթեզիոլոգիական պայմաններ՝ հնարավորություն ստանալով գլխուղեղի ուղղակի քարտեզավորման համար, ինչը նվազագույնի է հասցնում հետվիրահատական բարդությունների առաջացումը (խոսքի, շարժողական, զգացողական ֆունկցիաների պահպանում և այլն)։

Նյարդաբանի այցելության ցուցումներ՝

• Գլխացավեր և միգրեն
• Էպիլեպսիա
• Գլխապտույտ և հավասարակշռության խնդիրներ
• Թմրություն և թուլություն վերջույթներում
• Համակարգման խնդիրներ և ցնցումներ
• Մեջքի և պարանոցի ցավեր
• Քնի խանգարումներ
• Նևրոպաթիաներ և նևրիտներ
• Նևրոզներ և նևրոզի նման պայմաններ
• Դեմենիցա և ճանաչողական խանգարում

Իրագործվում են հետևյալ վիրահատությունները.

• գլխուղեղի և ողնաշարի ուռուցքներ,
• հիպոֆիզի նորագոյածություններ,
• գանգուղեղային և ողնուղեղային վնասվածքներ,
• 3D մոդելավորմամբ տիտանե թիթեղով կրանիոպլաստիկա,
• Պարկինսոնի հիվանդության վիրաբուժական բուժում,
• ողնաշարի ճողվածքներ, ստենոզներ,
• ողերի կոտրվածքների էնդոսկոպիկ ցեմենտավորում,
• ողնաշարի ֆիքսացիա,
• եռորյակ նյարդի ցավային համախտանիշ,
• դեղակայուն էպիլեպսիայի վիրահատական բուժում։

Հիվանդությունների ախտորոշման համար կատարվում են.

• համակարգչային տոմոգրաֆիա (ՀՏ),
• մագնիսա-ռեզոնանսային տոմոգրաֆիա (ՄՌՏ),
• ՀՏ և ՄՌՏ-անգիոգրաֆիա,
• էլեկտրոէնցեֆալոգրաֆիա (ԷԷԳ), ստերեո-ԷԷԳ (ՍԷԷԳ),
• ներվիրահատական նեյրոմոնիտորինգ,
• գլխուղեղի բաց և փակ քարտեզավորում,
• գլխի և պարանոցի մագիստրալ անոթների դուպլեքս սքանավորում,
• էլեկտրասրտագրություն (ԷՍԳ),
• էխոսրտագրություն (ԷխոՍԳ),
• Հոլտեր-ԷՍԳ հետազոտություն,
• արյան լաբորատոր հետազոտության լայն սպեկտոր:

Երևանի լավագույն նյարդաբանները և նեյրովիրաբույժները աշխատում են Նաիրի ԲԿ-ում :

Եթե ցանկանում եք դիմել լավագույն նյարդաբաններին և նյարդավիրաբույժներին, ապա կարող եք գրանցվել զանգահարելով +37410536933 և +37499991616 հեռախոսահամարներին կամ այցելել Պարոնյան փողոց, 21 շենք: