Articles

Վիրահատական հիստերոսկոպիան նվազագույն ինվազիվ գինեկոլոգիական միջամտություն է, որի ժամանակ օպտիկական  էնդոսկոպը  արգանդի վզիկի միջոցով ներմուծվում է արգանդի խոռոչ՝ բազմաթիվ ներարգանդային ախտաբանությունները բուժելու նպատակով.

• Իրականացվում է վիրահատարանում ընդհանուր կամ ողնուղեղային անզգայացման պայմաններում / նախապես որոշվում է անեսթեզիոլոգի կողմից /:
• Հիստերոսկոպիայի ժամանակ արգանդի խոռոչ է ներմուծվում ֆիզիոլոգիական լուծույթ ՝ ապահովելով վերջինիս ընդլայնումը, ապահովում տեսանելիություն և աշխատանքային միջավայր։
• Ախտաբանության հայտնաբերման դեպքում, հատուկ խողովակի միջոցով ներմուծվում են աշխատանքային գործիքներ՝ հատուկ էնդոսկոպիկ բիպոլյար համակարգ ( KARL STORZ/, ինչը թույլ է տալիս իրականացնել համապատասխան վիրաբուժական միջամտությունը

Ցուցում՝

• Աշերմանի համախտանիշ /ներարգանդային կպումների հատում/,
• Էնդոմետրիումի պոլիպի հեռացում,
• Էնդոմետրիումի աբլյացիա / լորձաթաղանթի ամբողջական հեռացում/,
• Ենթալորձային միոմայի հեռացում,
• Ներարգանդային միջնապատի հատում,
• Երբեմն ՆԱՊ-ի մնացորդների հեռացում,
• Բեղմնավորման արգասիքների մնացորդների հեռացում որոշ դեպքերում։