News

Արդեն երկորդ օրն է «Նաիրի» ԲԿ-ում ուրոլոգիական վիրահատություններն իրականացվում են եվրոպացի մասնագետ, հայտնի ուրոլոգ Մարեկ Զավաձկիի գլխավորությամբ։ Հունվարի 23-ին և 24-ին գործող ակցիայի շրջանակում՝ 10 բուժառու հնարավորություն է ստացել վիրահատվել կես գնով։ Վիրահատություններն իրականացվել են Հայաստանում միակ, ժամանակակից Սայբեր հոլմիում 150 ուրոլոգիական լազերով:

«Ես եղել եմ աշխարհի տարբեր կլինիկաներում, աշխատել տարբեր լազերներով, սակայն Նաիրի ԲԿ-ի ուրոլոգիական լազերը, որը միակն է Հայաստանում ՝ անգերազանցելի է։ Լազերները մեր ներկան են և ապագան »,-ասել է Մարեկ Զավաձկին ։

Լազերով վիրահատվում են` շագանակագեղձի ադենոման, միզապարկի ուռուցքները, միզուկի նեղացումները և փականները, միզապարկի վզիկի ստենոզը, հեմանգիոմաները, սեռական օրգանների բարորակ և չարորակ նորագոյացությունները։

Այս երկու օրերի ընթացքում ՝ «Նաիրի» և «Էրեբունի» ԲԿ-ների ուրոլոգիական թիմերը հնարավորություն են ունեցել խորացնել իրենց մասնագիտական գիտելիքները ՝ միզուղիների քարերի լազերային փշրման և շագանակագեղձի ադենոմայի լազերային էնուկլեացիայի գործում: 

Մասնագետների փորձառությունը տպավորել է Զավաձկիին։

«Ես տպավորված եմ տեղի մասնագետների պրոֆեսիոնալիզմով, վստահ եմ, որ «Նաիրի» ԲԿ-ի ուրոլոգները մեծ հաջողություններ են գրանցելու շագանակագեղձի ադենոմայի լազերային էնուկլեացիայի աշխատանքներում։ Շնորհակալ եմ «Նաիրի» ԲԿ-ի ղեկավարությանը և ուրոլոգներին ինձ Հայաստան հրավիրելու համար »,- նշել է եվրոպացի մասնագետը։

Նաիրի ԲԿ-ի ուրոլոգիական թիմի ներկայացուցիչները ևս իրենց գոհունակությունն ու շնորհակալությունը են հայտնել Մարեկ Զավաձկիին, հրավերը չմերժելու և (Սայբեր հոլմիում) 150 ուրոլոգիական լազերով մաստեր կլասս իրականացնելու համար։