News

Այսօր բժիշկներին հասանելի առաջավոր, լավագույն տեխնոլոգիաները «Նաիրի» բժշկական կենտրոնում դարձել են առօրյա աշխատանքի մի մաս:

Դա հատկապես վերաբերվում է լազերային սարքավորումներին: Ուրոլոգիական լազերը վիրահատություններ դարձրել է շատ ավելի դյուրին, բուժառուների համար ավելի հեշտ տանելի՝ թույլ տալով բազմաթիվ օնկոլոգիական, ոչ օնկոլոգիական, քարահեռացման և այլ վիրահատություններ իրականացնել անհամեմատ ավելի արագ, բարձր որակով: Այս մեթոդով կատարված վիրահատություններից հետո բուժառուները կարճ ժամանակ անց վերադառնում են իրենց առօրյային, աշխատանքին:

Այսօր լազերով վիրահատվելու է մի բուժառու, ով ունի երկու խնդիր՝ միզապարկի շատ խոշոր քար և շագանակագեղձի բարորակ գերաճ՝ ադենոմա: Երկու դեպքում էլ դիմելու ենք լազերի օգնությանը: Այն թույլ է տալիս քարը փշրել արագ, առանց վնասելու միզապարկին, միզուկին և այլ օրգաններին, իսկ ադենոմայի վիրահատությունը կատարվելու է առանց արյան կորստի:

Եվ բուժառուն 1-2 օրվա ընթացքում դառնում է առողջ մարդ:

Մեթոդի առավելությունները.

• Քարափշրումը կատարվում է ավելի արագ և առանց կտրվածքի
• Փափուկ հյուսվածքների վիրահատությունը կատարվում է արագ, առանց արյան կորստի
• Ցավը, վիրահատության, հետվիրահատական շրջանի հետ կապված տհաճությունը գրեթե զրոյական է
• 1 օրից բուժառուն վերադառնում է տուն, աշխատանքի

Ցուցումները

• միզապարկի, երիկամի քարերի հեռացում
• շագանակագեղձի բարորակ գերաճի վիրահատություն
• միզապարկի ուռուցքներ, նեղացումներ
• փափուկ հյուսվածքների և սեռական օրգանների վիրահատություններ
• երիկամի մասնահատում

Հաճախ մեթոդները համադրվում են՝ լապարասկոպիկը համակցվում է լազերի հետ՝ օրինակ՝ երիկամներից քարերի հեռացման համար:

Այս ամենի շնորհիվ մեր աշխատանքը հեղափոխականորեն փոխվել է: Լազերային տեխնոլոգիաները նաև շատ դյուրին են սովորելու համար: 

Բժիշկները սովորում, աշխատում են արագ և շատ արագ հասնում ցանկալի արդյունքի: