Գլխավոր / Բոլոր ծառայությունները / Շնչառական համակարգ, կրծքավանդակ

Շնչառական համակարգ, կրծքավանդակ

Հաշվի առնելով մեր երկրում թոքի քաղցկեղի տարածվածության բարձր ցուցանիշները, ծառայությունն առավել կարևորում է քաղցկեղի վաղ հայտնաբերումը և կանխարգելումը: Դա հնարավոր է կազմակերպել հագեցած ռադիոլոգիական ծառայության (ռենտգեն, համակարգչային տոմոգրաֆիա, մագնիսառեզոնանսային տոմոգրաֆիա) և ժամանակակից բրոնխոսկոպի միջոցով, որոնք երաշխավորում են իրականացնել առավել ճշգրիտ բիոպսիա:

Ընդհանուր տեղեկատվություն

Ծառայությունն իրականացնում է շնչառական համակարգի հիվանդությունների ախտորոշում և բուժում: Մատուցվում են ամբուլատոր և ստացիոնար թոքաբանական բոլոր ծառայությունները` իր որակական հատկանիշներով համապատասխանելով ժամանակակից միջազգային չափորոշիչներին, ինչը ժամանակի հրամայականն է:

Ծառայության նպատակներից է օրգան-համակարգերի կանխարգելիչ համալիր հետազոտում՝ վաղ շրջանում հիվանդությունները հայտնաբերելու համար: Կիրառվում են բարձր տեղեկատվական ռենտգենաբանական մեթոդներ՝ ռենտգենագրաֆիա, ռենտգենասկոպիա, համակարգչային և մագնիսառեզոնանսային շերտագրություն:

Շնչառական համակարգի ուռուցքաբանական ծառայությունների մասին ավելին կարող եք ծանոթանալ հետևյալ հղումով:

Հիվանդների ախտորոշումը և բուժումն իրականացվում է մասնագիտացված սարքերի կիրառմամբ` արտաքին շնչառական ֆունկցիայի որոշում, կլինիկական, լաբորատոր (արյան ընդհանուր, կենսաքիմիական, հորմոնային, իմունաբանական) և գործիքային հետազոտությունների հիման վրա (ՈՒՁՀ, բարձր տեղեկատվական ռենտգենաբանական մեթոդներ՝ ռենտգենագրաֆիա, ռենտգենասկոպիա, համակարգչային և մագնիսառեզոնանսային տոմոգրաֆիա):

Ծառայության շրջանակում ներկայացված է անհրաժեշտ ախտորոշիչ ամբողջական փաթեթ` ժամանակակից սարքերով.

արյան գազային կազմի որոշում, թոքերի շնչական ֆունկցիայի գնահատում` սպիրոմետրի օգնությամբ, որն իր տեսակով առանձնանում է 47-50 շնչառական ցուցանիշներ որոշելու ունակությամբ,
բրոնխոսկոպիա. I-scan ռեժիմով բրոնխոսկոպ, ինչը հնարավորություն է ընձեռում կատարել մաքսիմալ ճշգրիտ բիոփսիա, լորձաթաղանթի խորության մեջ որոշել առավել ճշգրիտ համապատասխան վայրը: