Ուրոլոգիա

Ուրոլոգիական ծառայության նպատակներից է օրգան-համակարգերի կանխարգելիչ համալիր հետազոտումը՝ վաղ շրջանում հիվանդությունները հայտնաբերելու համար: Կիրառվում են բարձր տեղեկատվական ռենտգենաբանական մեթոդներ՝ ռենտգենոգրաֆիա, ռենտգենասկոպիա, համակարգչային (ՀՏ) և մագնիսառեզոնանսային տոմոգրաֆիա (ՄՌՏ):

Ծառայության շրջանակում իրականացվում է պացիենտների ամբուլատոր և ստացիոնար բուժում, ստեղծված է նաև ցերեկային ստացիոնար բուժման պայմաններ:

Լապարոսկոպիկ եղանակով իրականացվում են երիկամների վիրահատություններ, էնդոուրոլոգիական վիրահատական միջամտություններ (միզապարկի, շագանակագեղձի ներմիզուկային մասնահատում, ուրեթերոռենոսկոպիա): Միզապարկի ուռուցքային հիվանդությունների ժամանակ իրականացվում է նախնական ախտորոշում բիոպսիայով` հատկապես աղիքային տրանսպլանտատի ձևավորման համար:

Ի՞նչ է բուժում ուրոլոգը

Բժիշկ-ուրոլոգը զբաղվում է միզուղիների և սեռական օրգանների տարբեր հիվանդությունների ախտորոշմամբ և բուժմամբ։ Ուրոլոգիական ծառայության շրջանակում հետազոտվում և բուժվում են երիկամային առաջնային և այլ հիվանդությունների արդյունքում երիկամային ախտաբանութան բարդությամբ հիվանդները:

«Նաիրի» ԲԿ-ում hիվանդների ախտորոշումը և բուժումն իրականացվում է մասնագիտացված սարքերի կիրառմամբ` կլինիկական, լաբորատոր (արյան և մեզի ընդհանուր, կենսաքիմիական, բջջաբանական, մեզի ցանքսի և հակաբիոտիկների նկատմամբ զգայնության թեստավորում) և գործիքային հետազոտությունների հիման վրա (ՈՒՁՀ, ՀՏ, ՄՌՏ, ուրետրոցիստոսկոպիա, միզածորանի ստենտավորում, ուրետրոգրաֆիա, ն/ե ուրոգրաֆիա, ռենտգեն, ռադիոիզոտոպային սքանավորում, երիկամների բիոպսիա և այլն): «Նաիրի» ԲԿ-ում բժիշկ ուրոլոգները ունեն բարձր որոկավարում և Երևանում լավագույններից են։

Այցելության ցուցումներ

Բժիշկ- ուրոլոգի դիմելու անհրաժեշտություն կա, եթե ունեք հետևյալ սիմպտոմները՝

• Միզարձակման հաճախականության փոփոխություն
• Միզելուց ցավի, այրոցի զգացում
• Մեզի գույնի փոփոխություն
• Մեջքի ստորին հատվածներում կամ երիկամների շրջանում ցավի առկայություն
• Էրեկցիայի հետ կախված խնդիրներ, ցավ՝ սեռական հարաբերությունների ժամանակ կամ այլ սեռական բնույթի խանգարումներ
• Սերմնահեղուկի մեջ արյան առկայություն
• Ամորձիների ցավ, այտուցում կամ ամորձիների այլ փոփոխությունները կարող են կապված լինել ամորձիների կամ սերմնահեղուկի խողովակների խնդիրների հետ
• Միզապարկի դիսֆունկցիա, մեզը պահելու դժվարություն, միզելու հաճախակի ցանկություն կամ միզապարկի թերի դատարկում
• Ոտքերի կամ դեմքի շրջանում այտուցները նույնպես կարող են փաստել միզուղիների հետ կապված խնդիրների մասին

Նման ախտանիշներ զգալու դեպքում ավելի ճշգրիտ ախտորոշման և բուժման համար խորհուրդ է տրվում դիմել ուրոլոգի։

Լավ ուրոլոգի կարող եք դիմել զանգահարելով 8900 հեռախոսահամարին կամ այցելել Պարոնյան փողոց, 21 շենք: