Ակնաբուժություն

Ծառայության շրջանակում իրականացվում է ակնաբույժի, ակնավիրաբույժի, լազերային վիրաբույժի, մանկական ակնաբույժի խորհրդատվություն, աչքի ամբողջական հետազոտություն, ակնոցների և/կամ կոնտակտային լինզաների ընտրություն:

Ծառայության մասնագետների հիմնական նպատակը պացիենտի տեսողությունը պահպանելը և բարելավելն է: Կլինիկան ապահովված է ախտորոշման և բուժման ժամանակակից մեթոդներով: Ծառայության փորձառու թիմը ցուցաբերում է բարձրորակ ակնաբուժական օգնություն՝ տեսողական օրգանի համալիր ախտորոշումից մինչև նորագույն սարքերով վիրահատական միջամտություն:

Այցելության ցուցումներ

Ակնաբույժի դիմելու անհրաժեշտություն կա, եթե ունեք հետևյալ սիմպտոմները՝

• Տեսողության փոփոխություններ. տեսողության աստիճանական կամ հանկարծակի վատթարացում, պղտորություն, կենտրոնացման դժվարություն, մուգ բծեր կամ թարթող լույսեր առաջացումը պահանջում են ակնաբույժի զննում,
• Աչքի ցավ. Աչքի սուր կամ քրոնիկ ցավը, հատկապես եթե ուղեկցվում է այլ ախտանիշներով, ինչպիսիք են աչքի սպիտակուցի կարմրությունը կամ կարմրությունը, կարող են տարբեր ակնաբուժական խնդիրների նշան լինել,
• Աչքերի կարմրածություն. Եթե ձեր աչքերը կարմրում են, հատկապես եթե կարմրածությունը ուղեկցվում է քորով, այրումներով,
• Լույսի նկատմամբ զգայունությունը, հատկապես եթե այն հանկարծակի է առաջանում, կարող է լինել աչքի տարբեր հիվանդությունների նշան,
• Գունային տեսողության փոփոխություն. գունային տեսողության կորուստը, գույների ընկալման փոփոխությունները,
• Ակնագնդի ձևի փոփոխությունները,
• Տեսողական դաշտի խնդիրներ. Եթե նկատում եք տեսողական դաշտի սահմանափակություն, կույր կետեր, դա կարող է լինել գլաուկոմայի, մակուլյար դեգեներացիայի կամ այլ հիվանդությունների նշան,
• Չափազանց թաց կամ չոր աչքեր. չափից դուրս արցունքաբերությունը կամ, ընդհակառակը, չորության և գրգռվածության զգացումը կարող է կապված լինել տարբեր խնդիրների հետ:

Ակնաբույժին այցելելուց առաջ.

• նախօրեի երեկոյան հանել կոնտակտային լինզաները (եթե կրում եք) և կրել ընդունելության ավարտից առնվազն 30 րոպե հետո,
• եթե ցանկանում եք, որ բժիշկը Ձեզ համար ակնոցներ ընտրի, ցանկալի է ընդունելության համար գրանցվել առավոտյան և ակնոցների ընտրությունն իրականացնել մինչև տեսողական ծանրաբեռնվածությունը, որը կունենաք օրվա ընթացքում,
• Ձեզ հետ վերցրեք Ձեր աչքերի մասին տեղեկատվություն պարունակող բոլոր բժշկական փաստաթղթերը, որպեսզի հնարավոր լինի փոփոխությունները դիտարկել դինամիկայում,
• իրականացվող հետազոտություններով պայմանավորված՝ ակնաբույժի մոտ կարող եք գտնվել 40 րոպեից մինչև 3 ժամ:

Երևանում մասնագիտացված, պրոֆեսիոնալ ակնաբույժի կարող եք դիմել զանգահարելով 8900 հեռախոսահամարին կամ այցելել Պարոնյան փողոց, 21 շենք:

Կատարվող վիրահատություններ

• Կատարակտալ վիրաբուժություն
• Ռեֆռակցիոն վիրաբուժություն
• Լազերային կորրեկցիա
• Կոպերի վիրահատություն
• Կրոսլինկինգ
• Շլության շտկում
• Արցունքատար ուղիների վիրահատություն
• Գլաուկոմայի վիրահատություն
• Աչքի առաջային հատվածի ռեկոնստրուկցիա