Գլխավոր / Կլինիկական դեպքեր / Գանգոսկրի դեֆեկտի վերականգնում. կլինիկական դեպք

Կլինիկական դեպքեր

Գանգոսկրի դեֆեկտի վերականգնում. կլինիկական դեպք

14 Մարտ 2019

«Նաիրի» բժշկական կենտրոնում օրերս վիրահատվեց զինծառայության ժամանակ գանգոսկրի վնասվածքով զինվոր, ում մոտ տարած վիրահատությունից հետո առկա էր ճակատային շրջանի՝ դեպի գանգի հիմք գնացող մեծ չափերի դեֆեկտ:

Բարդությունը նրանում էր, որ դեֆեկտը ճակատային շրջանի ամենատեսանելի հատվածում էր:

Դեպի գանգի հիմք իջնող գանգի դեֆեկտի վերականգնումը dասվում է բարդ վիրահատությունների շարքում, քանի որ առկա են կորություններ, ծոցեր (հարքթային և այլ). մի կողմից պետք է ապահովել ճշգրտությունը, սիմետրիան` էսթետիկ կողմը պահպանելու համար, մյուս կողմից պետք է խուսափել ծոցերի ամբողջականության խախտումից:
Հիվանդի մոտ իրականացվեց 3D մոդելավորման տիտանե թիթեղի տեղադրմամբ վիրահատություն, որի առավելությունն է միաժամանակ ապահովել էսթետիկ տեսքը և պահպանել հարակից օրգանների ֆունկցիոնալությունը:

3D մոդելավորմամբ տիտանե թիթեղներն ունեն մի քանի դրական կողմեր. ապահովում են սիմետրիան և տեսքը, կրճատվում է վիրահատության ժամանակահատվածը, գրեթե բացառվում են հետվիրահատական բարդությունները, և, տիտանն ամենաիներտ մետաղն է, որն օրգանիզմի կողմից հեշտ է ընդունվում:

Վիրահատությունը տևեց 2 ժամ, և հաջորդ օրն արդեն մեր զինվորը քայլում էր, իսկ 3-րդ օրը դուրս է գրվել:

Ուրախալի է, որ պետությունը հոգում է նման վնասվածքով զինվորների վիրահատության ծախսերը, քանի որ դա բավականին թանկարժեք վիրահատություն է: Զինվորին օգնում է ապաքինվել նաև իր նկատմամբ ցուցաբերվող հոգատարությունն ու ուշադրությունը, գիտակցումն այն բանի, որ իր անձնազոհ ծառայությունը հայրենիքին` գնահատվում է:


Բաժանորդագրվեք` ստանալու տեղեկատվություն