Գլխավոր / Լուրեր / Աղիքային անանցանելիություն

Լուրեր

Աղիքային անանցանելիություն

26 Մայիս 2020 | Լուրեր | Գաստրոէնտերոլոգ

Աղիքային անանցանելիությունը համախտանիշ է, որը բնութագրվում է մարսողական ուղիով վերջինիս պարունակության դատարկման լրիվ կամ մասնակի խանգարմամբ՝ պայմանավորված մեխանիկական խոչընդոտով կամ աղիների շարժողական ֆունկցիայի խանգարմամբ։

Ռիսկի գործոնները

Ռիսկի խմբում են այն հիվանդները, որոնց մոտ առկա են հետևյալ հիվանդությունները.

  • աղիների բնածին անոմալիաներ,
  • որովայնի խոռոչում` կպումային գործընթացներ,
  • որովայնի առաջային պատի ճողվածքներ, ուռուցքներ,
  • ներքին ճողվածքներ,
  • տարբեր վիճակներ, որոնք բերում են աղիների պարեզի առաջացման։

Ախտանիշները

Բնորոշ է որովայնի ցավը, որը, սովորաբար կծկումային բնույթի է և առաջանում է հանկարծակի, արտահայտվում է գազերի և կղանքի արտազատման դժվարացմամբ, որովայնի փքվածությամբ և անհամաչափությամբ, ավելի ուշ ախտանիշներից բնորոշ է փսխումը։

Ախտորոշումը

Իրականացվում է բնորոշ կլինիկական պատկերի և ռենտգեն հետազոտության տվյալների հիման վրա։

Բուժումը

Որպես կանոն, բուժումն իրականացվում է ստացիոնար պայմաններում, քանի որ հիվանդին ցուցված է վիրաբույժի մշտական հսկողություն։ Կոնսերվատիվ բուժման անարդյունավետության դեպքում, աղիների անցանելիության վերականգնման նպատակով, իրականացվում է վիրաբուժական միջամտություն։

Հետագա հսկողությունը

Հիվանդը հսկվում է թերապևտի, ընդհանուր պրակտիկայի բժշկի, գաստրոէնտերոլոգի, վիրաբույժի կողմից։


Նմանատիպ հոդվածներ

Բաժանորդագրվեք` ստանալու տեղեկատվություն

© Նաիրի բժշկական կենտրոն։ Բոլոր իրավունքները պաշտպանված են