Պացիենտի կրթություն

Էլաստոգրաֆիան` ուլտրաձայնի կիրառմամբ, անցավ, ոչ ինվազիվ ախտորոշման ճշգրիտ մեթոդ է, որն, ի տարբերություն լյարդի ուլտրաձայնային հետազոտության, թույլ է տալիս որոշել լյարդի ֆիբրոզի և ճարպային հեպատոզի (լյարդի ճարպակալման) աստիճանը:

Տարբերում ենք ֆիբրոզի F0-F4 աստիճան (F4-ը բնորոշ է ցիռոզին) և լյարդի ճարպակալման՝ S0-S4 աստիճան։ Հարկ է նշել, որ լյարդի պրոգրեսիվող հեպատոզը (ճարպակալումը) սպառնում է լյարդի ցիռոզի զարգացմանը։ Լյարդի էլաստոգրաֆիայի միջոցով հնարավոր է հետազոտել ամբողջ օրգանը, ինչն ապահովում է արդյունքների բարձր հուսալիություն: Ստացված տվյալների հիման վրա բժիշկն առավել ճշգրիտ ախտորոշման և արդյունավետ բուժման հնարավորություն է ընձեռում:

Ինչպե՞ս պատրաստվել լյարդի էլաստոգրաֆիկ հետազոտությանը:

Ցանկալի է հետազոտության գնալ քաղցած, կամ` ուտելուց 4 ժամ անց: Միջամտությունը տևում է 5-15 րոպե և չունի հակացուցում:

Ո՞ր դեպքերում դիմել լյարդի էլաստոգրաֆիայի:

Որպես կանխարգելիչ հետազոտություն, խորհուրդ է տրվում 40 տարեկանն անց անձանց:

Պարտադիր ցուցված է հետևյալ դեպքերում.

• B, C, D հեպատիտներ,
• լյարդի ալկոհոլային ստեատոհեպատոզներ,
• ճարպային հեպատոզներից` ոչ ալկոհոլային հեպատոզներ,
• լյարդի աուտոիմուն հիվանդություններ (աուտոիմուն հեպատիտներ, առաջնային բիլիար ցիռոզ և այլն),
• Ժիլբերի համախտանիշ,
• պացիենտներ, ովքեր անցնում են քիմիոթերապիայի բուժման կուրս,
• լյարդի տրանսպլանտացիա:

Բարձի ռիսկի խումբ են համարվում.

• շաքարային դիաբետը,
• խոլեսթերինի, եռգլիցերիդների բարձր մակարդակը,
• ALT, AST, GGT նորմայից բարձր մակարդակը,
• լեյկոցիտների և թրոմբոցիտների քանակի պակասը,
• հավելյալ քաշը,
• բիլիռուբինի հաճախակի բարձրացումը,
• լյարդի ցիռոզի կասկածը: