Պացիենտի կրթություն

Մագնիսառեզոնանսային տոմոգրաֆիայի (ՄՌՏ) նշանակությունը հոդերի ախտաբանության ախտորոշման մեջ բավականին նշանակալից է։

Հոդերի ՄՌՏ իրականացման համար կիրառվում են ռադիոալիքներ և ուժեղ մագնիսային դաշտ, որոնք թույլ են տալիս ստանալ ներքին օրգանների և հյուսվածքների հստակ պատկերներ։

Քանի որ ՄՌՏ-ի օգնությամբ հնարավոր է ստանալ ոսկրերի շուրջ տեղակայված փափուկ հյուսվածքների հստակ պատկեր, ուստի այն հաճախ է կիրառվում խոշոր հոդերի (ծնկային, ուսային և այլն), ողնաշարի և միջողային սկավառակների հետազոտման նպատակով։ ՄՌՏ-ն լայնորեն կիրառվում է սպորտային և պրոֆեսիոնալ վնասվածքների, հոդերի դեգեներատիվ հիվանդությունների, օրինակ` քրոնիկ արթրիտների, վնասված հոդային մակերեսների, միջողային սկավառակների ճողվածքների ախտորոշման համար։ 

Ջլերի, կապանների և մկանների նույնիսկ ոչ մեծ պատռվածքները, ինչպես նաև սովորական ռենտգեն հետազոտությամբ ոչ տեսանելի կոտրվածքները նույնպես հնարավոր է ախտորոշվել ՄՌՏ-ի օգնությամբ։

Հոդերի և հենաշարժիչ համակարգի ՄՌՏ իրականացման ցուցումները.

• հոդերի սպորտային և ոչ սպորտային վնասվածքներ, դեգեներատիվ հիվանդություններ,
• քրոնիկ արթիրտներ,
• միջողային սկավառակների ճողվածքներ,
• հոդում կամ նրա շուրջ գտնվող փափուկ հյուսվածքներում` ցավային համախտանիշի առկայություն,
• հոդի այտուց ։

Օստեոարթրիտը, որպես հոդում հաճախ հանդիպող ախտաբանական գործընթաց, կարող է առաջանալ ցանկացած հոդում՝ արտաքին տարբեր ազդակների (օրինակ, վնասվածքների) և հոդերի վրա լրացուցիչ ծանրաբեռնվածության հետևանքով, որը կարող է բերել հոդային աճառի կամ ոսկրային հյուսվածքի վնասման։ Սովորական ծանրաբեռնվածության ժամանակ նույնպես կարող է օստեոարթրիտ զարգանալ, եթե աճառի, ոսկրերի, սինովիալ թաղանթի կամ հոդային կապանների և մկանների ախտաբանական փոփոխությունները պայմանավորված են որևէ առաջնային գործընթացով։

Ամենահաճախ ՄՌՏ հետազոտվող հոդը ծնկան հոդն է։

Միշտ կարելի է հայտնաբերել կամ բացառել ծնկան ներքին կառուցվածքների (հոդային աճառի, մենիսկի, կապանների) վնասումը։ ՄՌՏ-ն մասնագետին թույլ է տալիս ավելի կշռադատորեն որոշել, օրինակ, արթրոսկոպիկ վիրահատության իրականացման անհրաժեշտությունը։

Հոդերի բորբոքային, ուռուցքային ախտահարումների ախտորոշումը պետք է իրականացվի բացառապես ՄՌՏ մեթոդով։

Կոնքազդրային հոդի ՄՌՏ իրականացման ցուցումներն են՝

• օստեոարթրիտ և նրա պատճառների հայտնաբերում,
• ազդրոսկրի գլխիկի ավասկուլյար նեկրոզ,
• օստեոմիելիտ,
• սեպտիկ արթրիտ,
• սթրեսային կոտրվածք:

Սրունք-թաթային հոդի ՄՌՏ հետազոտության ցուցումներն են՝

• կոտրվածքի կասկած, որը ռենտգենագրաֆիայով չի ախտորոշվել,
• ոսկրերի վնասման կասկած,
• ջլերի և կապանների պատռվածքի կասկած:

Հոդերի ՄՌՏ-ն ախտորոշիչ արդյունավետ մեթոդ է, որը համեմատելի չէ այլ կլինիկական ախտորոշիչ թեստերի հետ։ Հետազոտությունն անվտանգ է (ճառագայթային ծանրաբեռնվածության բացակայություն), ռենտգեն ճառագայթում չի կիրառվում՝ ի տարբերություն ՀՏ և ռենտգեն ախտորոշման։ ՄՌՏ բարձր թույլատրելիությունը հնարավորություն է տալիս տեսնել մինչև մի քանի մմ չափեր ունեցող օբյեկտները և ստանալ ցանկացած պրոյեկցիայի պատկեր, տեսանելի դարձնել ցանկացած հյուսվածք նորմայում և ախտաբանության պայմաններում։

Ինչո՞ւ արժե անցնել հոդերի ՄՌՏ «Նաիրի» բժշկական կենտրոնում

• Դուք ստանում եք նկարների որակյալ վերծանում ՄՌՏ ախտորոշման առաջատար մասնագետների կողմից,
• ՄՌՏ-ից հետո՝ առանց ժամանակ կորցնելու, Դուք կարող եք խորհրդատվություն ստանալ փորձառու ռևմատոլոգներից, վնասվածքաբաններից՝ բուժման մանրակրկիտ ցուցումներով և բուժվել բարձրորակ բժիշկների հսկողությամբ,
• կլինիկայում ներկայացված է հոդերի ու կապանների հիվանդությունների և վնասվածքների ախտորոշման ու բուժման համար անհրաժեշտ միջոցառումների ամբողջ համալիրը։ Իրականացվում են ֆիզիոթերապիա, ներհոդային պունկցիաներ և դեղորայքի ներարկումներ և այլ բուժական միջամտություններ։