Պացիենտի կրթություն

Աչքի ուլտրաձայնային հետազոտությունը (ՈՒՁՀ) անվտանգ, տեղեկատվական մեթոդ է: Այն առավել արժեքավոր է, երբ աչքի օպտիկական շարավները խամրած են և, աչքի խորը կազմությունները չեն երևում այլ մեթոդներով` լուսային ճառագայթի օգնությամբ (լույսով անցկացվող հետազոտություններ, օֆտալմոսկոպիա և այլն):

Ակնագնդի ՈՒՁՀ-ն հնարավորություն է տալիս տեսողականորեն գնահատել աչքի կազմությունը և դրան շրջապատող հյուսվածքները (ակնաբյուրեղը, ցանցաթաղանթը, աչքի մկանները, ռետրոբուլբար բջջանյութը): Եթե աչքի կազմության հիմնական հետազոտությանը զուգահեռ կիրառվում է աչքի անոթների գունավոր դոպլեր քարտեզագրում (ԳԴՔ), ապա դա հնարավորություն է տալիս գնահատել արյան հոսքի արագությունը, ծավալը, աչքի անոթների անցանելիությունը: Այն նաև որոշում է աչքի արյան շրջանառության ախտաբանությունը դեռ սկզբնական շրջաններում, ինչը հնարավորություն է տալիս սկսել բուժումը հիվանդության վաղ շրջաններում և հասնել լավագույն արդյունքների:

Ակնագնդի ՈՒՁՀ-ն կիրառվում է նաև ցանցաթաղանթի կամ ապակենման մարմնի շերտազատման ախտորոշման, ինտրաօկուլյար արնազեղումների հետազոտման, ոսպնյակի ախտահարման, օտար մարմինների առկայության և աչքի ուռուցքների դետեկցիայի ժամանակ: Ակնագնդի ՈՒՁՀ-ն թույլ է տալիս վերլուծել աչքի մկանային համակարգի և ռետրոօկուլյար շրջանի վիճակը:

Ակնագնդի ՈՒՁՀ անցկացնելու ցուցումներ.

• կարճատեսության և հեռատեսության բարձր աստիճաններ,
• ցանցաթաղանթի շերտազատում,
• կատարակտ,
• գլաուկոմա,
• աչքի ուռուցքներ,
• աչքի մկանների ախտաբանություն,
• աչքի վնասվածքներ,
• օտար մարմնի առկայություն` ակնագնդում,
• աչքի անոթային հիվանդություններ,
• տեսողական նյարդի հիվանդություն,
• քրոնիկ հիվանդություններ (հիպերտոնիա, երիկամների հիվանդություն, շաքարային դիաբետ):

Աչքի անոթների դոպլեր քարտեզավորման ացկացման ցուցանիշներն են.

• aնանցանելիությունը, ցանցաթաղանթի զարկերակների սպազմը,
• Քներակի նեղացումը, ինչը կարող է ազդել տեսողական օրգանները սնուցող զարկերակներում արյան հոսքի վրա,
• աչքի կոպերի թրոմբոզը,
• առաջնային իշեմիկ նեյրոօպտիկոպաթիան:

Աչքի ՈՒՁՀ անցկացնելու հակացուցումներ չկան` բացառությամբ աչքի բաց վնասվածքները, որի դեպքում գործընթացն բարդանում է: