Պացիենտի կրթություն

Կատարակտն աչքի ոսպնյակի պղտորումն է. հիվանդություն, որը հաճախ է հանդիպում տարեց մարդկանց շրջանում՝ օրգանիզմի ընդհանուր ծերացման պատճառով (ծերունական կատարակտ): Դրա հետ կապված շատ կարևոր է ակնաբույժի մոտ պարբերական զննվելը, ինչը թույլ կտա կատարակտը հայտնաբերել վաղ փուլում:

Ոսպնյակի պղտորման առաջին ախտանշանը տեսողության սրության խանգարումն է կամ` նվազումը: Սակայն նման գանգատները կարող են միանգամայն տարբեր լինել՝ կախված պղտորման ինտենսիվությունից և պղտորման տեղակայումից: Ոսպնյակի ոչ մեծ չափի պղտորումները կարող են տեսողության վրա չազդել, և մարդը փոփոխությունները չի նկատի, եթե նույնիսկ դրանք բբի շրջանում են տեղակայված (օրիակ՝ բեւեռային կատարակտայի դեպքում): Ոսպնյակի ավելի ընդարձակ պղտորման դեպքում, հատկապես, եթե այն կենտրոնական տեղադրություն ունի, տեսողության սրությունը նվազում է մեծ կամ փոքր աստիճանով: Ոսպնյակի ամբողջական պղտորման դեպքում աչքը լիովին զրկվում է առարկայական տեսողությունից, սակայն պահպանվում է լույսը զգալու հատկությունը՝ լուսազգացողությունը:

Կատարակտով հիվանդի զննումը այնքան էլ պարզ խնդիր չէ: Ոսպնյակում արտահայտված պղտորումների առկայության դեպքում շատ բարդ է, երբեմն անհնար է ակնաբուժական ստանդարտ մեթոդներով ապակենման մարմնի կամ ցանցաթաղանթի վիճակի հետազոտություն կատարել: Դրա հետ կապված, պահանջվում են մի շարք լրացուցիչ, մասնագիտացված հետազոտություններ:

Կատարակտով հիվանդների զննման ամբողջ գործընթացը կարելի է բաժանել հետևյալ մեթոդների.

1. Աչքի զննման ստանդարտ (սովորական) մեթոդներ.

• տեսողության սրության որոշում (վիզոմետրիա),
• տեսողության դաշտերի հետազոտություն (պերիմետրիա),
• ներակնային ճնշման չափում (տոնոմետրիա),
• աչքի առաջնային ճեղքի հետազոտություն (բիոմիկրոսկոպիա),
• ակնահատակի զննում (օֆտալմոսկոպիա):

2. Հետազոտության լրացուցիչ (հատուկ) մեթոդներ, որոնք յուրաքանչյուր հիվանդի համար պարտադիր է.

• ռեֆրակտոմետրիա,
• օֆտալմոմետրիա,
• ակնախնձորի հետին-առաջային առանցքի որոշում (ԱՀԱ) (А-ռեժմում ուլտրաձայնային հետազոտության (ՈՒՁՀ) սքանավորում)