Պացիենտի կրթություն

«Նաիրի» բժշկական կենտրոնում կօգնեն Ձեզ որոշել լյարդի և լեղուղիների ֆունկցիոնալ վիճակը: Մեզ մոտ Դուք կարող եք անցնել առաջնային կլինիկալաբորատոր սքրինինգ, ինչպես նաև գործիքային ոչ միջամտական հետազոտություններ (ֆիբրոէլաստոգրաֆիա): Առաջնային սքրինինգը շատ ժամանակ չի խլում և հնարավորություն է տալիս լիարժեք տեղեկատվություն ստանալ հեպատոբիլիար համակարգի մասին:

Առաջնային սքրինինգ

Առաջնային սքրինինգը ներառում է պացիենտների զննումը վարակաբանի, լյարդաբանի կողմից, անամնեզի մանրակրկիտ հավաքումը, հետազոտության հիմնական ուղղությունների որոշումը, լաբորատոր սքրինինգը, լրացուցիչ ոչ միջամտական հետազոտությունները, լյարդի և լեղուղիների աշխատանքի թեստային ցուցանիշների համալիր վերլուծությունը, որից հետո տրվում է եզրակացություն և խորհուրդներ:

Տարբեր հիվանդությամբ պացիենտերի մոտ լյարդի ախտահարվածության աստիճանը որոշելու համար լյարդաբանի կողմից կիրառվում է նոր ժամանակակից ուլտրաձայնային մեթոդ:

Այս հետազոտությունն իրականացվում է «TOSHIBA Aplio i800» սարքով՝ իրական ժամանակում հատման ալիքային էլաստոմետրիայի ռեժիմով: Սա ժամանակակից ոչ միջամտական մեթոդ է, որը կիրառվում է լյարդի ֆիբրոզի ճշգրիտ գնահատման համար՝ հիմնված լյարդի պարենխիմայի կարծրության քանակական չափման վրա: Լյարդի հատման ալիքային էլաստոմետրիան տեղեկատվությամբ չի զիջում բիոփսիային և ֆիբրոսքանավորմանը:

Լյարդի հատման ալիքային էլաստոմետրիան թույլ է տալիս՝

• ախտորոշման պահին քանակապես գնահատել լյարդի վնասման աստիճանը,
• գնահատել հիվանդության կանխատեսումը,
• հետևել լյարդի քրոնիկ դիֆուզ հիվանդության դինամիկային (հիվանդության զարգացմանը և վերափոխմանը` ցիռոզի),
• գնահատել էթիոտրոպ և հակաֆիբրոտիկ բուժման արդյունավետությունը,
• խուսափել լյարդի ավելորդ բիոփսիայից,
• մեթոդը ցուցված է նրանց, ում հակացուցված է բիոփսիան:

Լյարդի էլաստոմետրիայի առավելությունները` բիոփսիայի նկատմամբ՝.

• հիվանդի հարմարավետությունը (անվտանգ է և ոչ վնասվածքային),
• նախնական հետազոտության անհրաժեշտություն չկա,
• ստացիոնարում գտնվելու անհրաժեշտություն չկա,
• տնտեսապես բիոփսիայից մատչելի է,
• հետազոտությունը տևում է մոտավորապես 20 րոպե,
• արդյունքները հիվանդին տրամադրվում են հետազոտությունից անմիջապես հետո,
• լյարդի հատման ալիքային էլաստոմետրիան կարող է իրականացվել բազմակի անգամ, ինչը կարևոր է դիսպանսեր հսկողության և բուժման արդյունավետության գնահատման համար:

«Նաիրի» ԲԿ առավելությունները

• Կլինիկան հագեցած է ախտորոշման համար անհրաժեշտ ժամանակակից սարքերով:
• Դուք ստանում եք առաջատար մասնագետների եզրակացությունը:
• Լյարդի էլաստոգրաֆիայից հետո՝ առանց ժամանակ կորցնելու, Դուք կարող եք ստանալ առաջատար մասնագետների փորձաքննական խորհրդատվություն: