«Նաիրի» բժշկական կենտրոնի քիմիաթերապիայի ծառայությունը գործում է 2012 թվականից: Այն հիմնադրվել է ֆրանսիահայ բժիշկ Գևորգ Աբգարյանի կողմից, ով առայսօր ղեկավարում է ծառայության աշխատանքը։ Ծառայության շրջանակում իրականացվում է չարորակ ուռուցքների քիմիաթերապիա` ամենաժամանակակից մեթոդներով, կիրառելով բացառապես եվրոպական և ամերիկյան բուժման սխեմաներ, բարձրորակ դեղեր։ Բժիշկներն անցել են վերապատրաստումներ Եվրոպայում և տիրապետում են միջազգային ուռուցքաբանության բոլոր անհրաժեշտ հմտություններին։

Ծառայության վարիչ, բ.գ.թ. Լևոն Գրիգորի Բադալյանը հանրապետությունում ոլորտի առաջատար մասնագետներից է, միջազգային ուռուցքաբանական ասոցիացիաների անդամ է, մասնակցում է ամենամյա առանցքային գիտաժողովներին։

Ծառայության քույրական անձնակազմը նույնպես վերապատրաստված է, տիրապետում է նորագույն դեղերով աշխատելու հմտություններին։  

Ծառայությունը հագեցած է բոլոր անհրաժեշտ սարքերով, մասնավորապես` էլեկտրոնային ինֆուզոմատներով և պոմպերով, որոնք թույլ են տալիս մաքսիմալ ճշգրտությամբ իրականացնել քիմիաթերապիայի սխեմաները։ Մազաթափության կանխման համար կիրառվում է ամենաժամանակակից Paxman սարքը։

Քիմիաթերապիայի ժամանակ, երակները վնասելու բարդությունից խուսափելու նպատակով, կիրառվում են հատուկ Portacath իմպլանտացիոն կաթետերներ։ Բաժանմունքում ստեղծված են լավագույն պայմաններ՝ հիվանդներին մաքսիմալ հարմարավետություն ապահովելու համար։