Օնկոգինեկոլոգիական ծառայության հիմնական ուղղությունը բարորակ և չարորակ ուռուցքների, կանանց սեռական օրգանների նախաուռուցքային ախտաբանության վիրաբուժությունն է: Պացիենտների ախտորոշումն ու բուժումը կատարվում է` համաձայն միջազգային ուռուցքաբանական ուղեցույցերի (NCCN: Բարդ ուռուցքաբանական միջամտությունները կատարվում են լապարոսկոպիկ եղանակով` շահագործելով վերջին սերնդի Karl Storz ընկերության էնդոսկոպիկ սարքերը: Իրականացվում են արմատական օնկոգինեկոլոգիական, գինեկոլոգիական, ուրոգինեկոլոգիական, կրծքագեղձի վիրահատություններ:

Ուռուցքային հիվանդությունների բուժման գործընթացում կիրառվում են բարձր տեղեկատվական ռենտգենաբանական մեթոդներ՝ ռենտգենագրաֆիա, ռենտգենասկոպիա, համակարգչային և մագնիսառեզոնանսային շերտագրություն:

Ծառայությունները ներառում են.

• գինեկոլոգիական հիվանդների հետազոտություն և բուժում (պահպանողական և վիրահատական),
• արգանդի վզիկի քաղցկեղի և կրծքագեղձի քաղցկեղի դեմ կանխարգելիչ սքրինիգային ծրագրերի իրականացում:

Հիվանդների ախտորոշումը և բուժումն իրականացվում է մասնագիտացված սարքերի կիրառմամբ` կլինիկական, լաբորատոր (արյան ընդհանուր, կենսաքիմիական, հորմոնային, իմունաբանական, բջջաբանական) և գործիքային հետազոտությունների հիման վրա (ՈՒՁՀ, դուպլեքս սքանավորում, էնդոսկոպիկ հետազոտություններ, բարձր տեղեկատվական ռենտգենաբանական մեթոդներ՝ ռենտգենագրաֆիա, ռենտգենասկոպիա, համակարգչային և մագնիսառեզոնանսային տոմոգրաֆիա):

Մասնագետները վերապատրաստվել են Հարվարդի և Կալիֆորնիայի (ԱՄՆ) համալսարաններում, Եվրոպայի կլինիկաներում (Ֆրանսիա, Բելգիա, Անգլիա, Գերմանիա): Բուժման գործընթացները կազմակերպվում են միջազգային ուղեցույցներով: