Պարտադիր կերպով անց են կացվում բիոպսիաների բոլոր տեսակները (FNA, core-biopsy, ինցիզիոն և էքսցիզիոն բիոպսիաները) հիվանդի ախտորոշումը ճշտելու և բուժման տակտիկան որոշելու նպատակով, որը իրականացվում է կլինիկայում գործող tumor board-ի միջոցով: Վիրահատությունների բնույթը որոշվում է հաշվի առնելով ինչպես ուռուցքաբանական, այնպես էլ օրթոպեդիկ ցուցումները` կախված ուռուցքի տեղակայումից և վերջինիս հեռացումից հետո առաջացող դեֆեկտի կառուցվածքային բնութագրերից: Փափուկ հյուսվածքների տարածված ուռուցքների ժամանակ կիրառվում են  լայնածավալ վիրահատություններ` բուժման արմատականությունը ապահովելու նպատակով:

Ծառայության մասնագետները ակտիվ մասնակցություն են ունենում ինչպես Հայաստանում, այնպես ել արտերկրում անցկացվող կոնֆերանսներին: Ոսկրահոդային թերությունների վերացման ժամանակ օգտագործվում են հանրահայտ Smith&Nephew (ԱՄՆ), Zimmer (ԱՄՆ), Beznoska (Չեխիա), Bioimpianti (Իտալիա), Surgival (Իսպանիա) և այլ ընկերությունների էնդոպրոթեզներ: