Մագնիսա-ռեզոնանսային տոմոգրաֆիա

Մագնիսա-ռեզոնանսային տոմոգրաֆիայի միջոցով իրականցվում է տարբեր օրգան-համակարգերի ախտորոշիչ հետազոտություն` առանց ռենտգեն ճառագայթման:

Մագնիսա-ռեզոնանսային տոմոգրաֆիան(MRI) բժշկական հետազոտության մեթոդ է, որն օգտագործում է մագնիսական դաշտերը և ռադիոալիքները` ներքին օրգանների մանրամասն պատկերներ ստանալու համար: ՄՌՏ-ն լայնորեն օգտագործվում է տարբեր հիվանդություններ ախտորոշելու և ուսումնասիրելու համար, ինչպիսիք են օրինակ գլխուղեղի և ողնուղեղի, հոդավորումների, որովայնի և փոքր կոնքի օրգանների, անոթային և փափուկ-հյուսվածքային պաթոլոգիաները:

Այցելության ցուցումներ

Տարբեր պաթոլոգիական պրոցեսների հստակ ախտորոշման համար բուժող բժիշկը կարող է ուղղորդել բուժառուին ՄՌՏ հետազոտության:

Ահա որոշ ընդհանուր ախտանիշներ, որոնց դեպքում կարող է առաջանալ ՄՌՏ հետազոտություն իրականացնելու անհրաժեշտություն:

• Գլխացավ: Սուր, հաճախակի կամ անբացատրելի գլխացավեր, հատկապես եթե դրանք չեն վերանում ստանդարտ բուժումներ իրականացնելուց հետո,
• Նյարդաբանական ախտանիշներ: ցնցումներ, թմրածություն, թուլություն, տեսողության խանգարումներ, գլխապտույտ, անքնություն և այլն,
• Անոթային պաթոլոգիաներ,
• Գլխի և պարանոցի վնասվածքներ,
• Մեջքի ցավ: երկարատև, ինտենսիվ մեջքի ցավ, հատկապես եթե կան նաև այլ ուղեկցող ախտանիշներ,
• Հոդավորումների վնասվածքներ և այլ պաթոլոգիաներ,
• Տարբեր օրգաններում և հյուսվածքներում ուռուցքի առկայություն կամ դրա առկայության կասկած,
• Որովայնի և փոքր կոնքի օրգանների հիվանդություններ:

Սովորաբար ՄՌՏ հետազոտության ուղղորդում է բժիշկը` հիմնվելով բժշկական պատմության, կլինիկական ախտանիշների և այլ առկա տվյալների վրա:

ՄՌՏ հետազոտության հիմնական ոլորտները:

• Գլուխ և պարանոց: Գլխուղեղ, հիպոֆիզ, լսողական և տեսողական նյարդեր, փափուկ հյուսվածքներ, անոթներ, տվյալ շրջանների փափուկ հյուսվածքներ,
• Ողնաշար: Բոլոր հատվածները (պարանոցային, կրծքային, գոտկա-սրբանային) միջողնային սկավառակների, ողնուղեղի, նյարդերի դետալային ուսումնասիրությամբ,
• Կրծքավանդակ: Սիրտ, խոշոր անոթներ, կրծքագեղձեր,
• Որովայնի խոռոչ, հետորովայնամզային տարածություն: Լյարդ, լեղապարկ, փայծաղ, ենթաստամոքսային գեղձ, երիկամներ, մակերիկամներ, աղիներ, որովայնային աորտա,
• Փոքր կոնք: Միզասեռական համակարգի օրգաններ (միզապարկ, շագանակագեղձ և սերմնատար ուղիներ, արտաքին սեռական օրգաններ, արգանդ և հավելումներ), ուղիղ աղիք,
• Հոդավորումներ, ոսկրեր: Քունք-ստործնոտային հոդեր, ուսահոդեր, արմնկահոդեր, ճաճանչ-դաստակային, ձեռքի և ոտնաթաթի մանր հոդավորումներ, սրբոսկրա-զստային, կոնք-ազդրային հոդավորումներ, ծնկահոդեր, սրունք-թաթային հոդավորումներ,
• Փափուկ հյուսվածքներ: Ցանկացած հատվածի փափուկ հյուսվածքների հետազոտություն` նորագոյացություններ, վնասվածքների, բորբոքային ր այլ պաթոլոգիաների կասկածի դեպքում,
• Անոթներ (ՄՌ-անգիոգրաֆիա): Գլխի, պարանոցի անոթներ, որովայնային աորտա, վերջույթների անոթներ:

Մեր սարքավորումները

Մեր կենտրոնում առկա մագնիսառեզոնանսային տոմոգրաֆիայի նոր սերնդի սարքերը հնարավորություն են տալիս մաքսիմալ սեղմ ժամանակահատվածում կատարել լայնածավալ հետազոտություններ:

Նոր սերնդի սարքավորումներով հետազոտության տևողությունը կազմում է 5-20 ր, ի տարբերություն հին սերնդի սարքավորումների:

MAGNETOM Sola-ն ներառում է հիվանդի դիրքի հարմարեցում BioMatrix տեխնոլոգիայի շնորհիվ, հետազոտությունների մինչև 50% արագացում Turbo Suite-ի միջոցով, հարմարավետության բարձրացում, ինչպես նաև արհեստական ​​բանականության և «դժվար» հիվանդների համար նախատեսված տեխնոլոգիաների շնորհիվ առաջադեմ հնարավորություններ (կլաուստրաֆոբիա, իմպլանտներ, ազատ շնչառություն): Այն առաջարկում է բարձր պատկերի որակ, ավտոմատացված աշխատանքային հոսքեր և նոր կլինիկական կիրառություններ, այդ թվում՝ ամբողջ մարմնի ՄՌՏ։

Հիմնական առավելությունները՝

• Անհատականացում և հարմարավետություն.
  • BioMatrix տեխնոլոգիա. Ավտոմատ կերպով հարմարվում է հիվանդի անատոմիային, նվազեցնում է աղավաղումը և կրկնակի սկանավորման անհրաժեշտությունը, բարելավելով ախտորոշման ճշգրտությունը։
  • Հիվանդի հարմարավետություն. Լայն թունել (70 սմ), կարճ երկարություն (145 սմ), լուսավորություն և երաժշտություն լսելու հնարավորություն՝ կլաուստրաֆոբիան նվազեցնելու համար։
  • Ազատ շնչառություն. Թույլ է տալիս հետազոտություններ կատարել առանց շնչառությունը պահելու, ինչը այն իդեալական է դարձնում երեխաների, տարեցների և շնչառական խնդիրներ ունեցող հիվանդների համար։
  • Tim 4G ադապտիվ կծիկներ. Թեթև, ճկուն կծիկներ, որոնք հարմարավետորեն տեղավորվում են մարմնին, բարելավելով պատկերի որակը և հարմարավետությունը։
• Բարձր կատարողականություն և արդյունավետություն.
  • Արագացում (Turbo Suite). Միաժամանակյա բազմաշերտ (SMS) և սեղմված սենսորային տեխնոլոգիաները կրճատում են սկանավորման ժամանակը, մեծացնելով կլինիկայի թողունակությունը։
  • Արհեստական ​​բանականություն. Օգնում է դիրքորոշմանը և բարելավում է պատկերի որակը։
  • Ավտոմատացում. Պարզեցնում է առօրյա ընթացակարգերը և պլանավորումը։
• Ընդլայնված կլինիկական հնարավորություններ.
  • Բարձր պատկերի որակ. Ավելի լավ մանրամասներ նույնիսկ բարդ կառուցվածքներում, վերացնելով իմպլանտներից առաջացող միջամտությունը (WARP):
  • Նոր կիրառություններ՝ ամբողջ մարմնի ՄՌՏ, հղիության պատկերագրություն, շնչառության խանգարումներով սրտաբանություն։
  • Էլեկտրոնային խտության վիզուալիզացիա. ճառագայթային թերապիայի ավելի ճշգրիտ պլանավորման նոր տարբերակ։

Magnetom Vida 3T -ն ներառում է ՄՌՏ պատկերների բարձր արագություն և որակ՝ շնորհիվ Turbo Suite տեխնոլոգիաների, հիվանդի հարմարավետություն՝ շնորհիվ լայն անցքի և ավտոմատացման (BioMatrix, GO Technologies), ինչը այն դարձնում է բազմակողմանի կլինիկական կիրառությունների լայն շրջանակի համար՝ նյարդաբանությունից մինչև սրտաբանություն։

Հիմնական առավելությունները՝

• Բարձր սկանավորման արագություն.
  • Turbo Suite. Տեխնոլոգիաների մի շարք (ներառյալ միաժամանակյա բազմաշերտ և սեղմված զոնդավորումը) կրճատում է փորձարկման ժամանակը 50%-ով կամ ավելի՝ արագացնելով ամբողջ աշխատանքային հոսքը՝ նախապատրաստումից մինչև վերլուծություն:
  • GO Technologies. Լուծումների ընտանիք, որը արագացնում է գործընթացը՝ դիրքավորումից մինչև արդյունքներ։
• Գերազանց 3T պատկերի որակ։
  • Հզոր գրադիենտներ (60/200).
  • Միատարրություն և լայն տեսադաշտ.
  • Հուսալի ճարպի ճնշում. օպտիմալ է որովայնի խոռոչի և ծայրամասի համար։
• Հարմարավետության բարձրացում.
  • Լայն թունել 70 սմ. հետազոտությունն ավելի հարմարավետ է դարձնում։
  • Ավտոմատացում (BioMatrix, Select&GO). Ավտոմատ կերպով ճանաչում է հիվանդի անատոմիան, օպտիմալացնում է արձանագրությունները, արագացնում դիրքավորումը և կարգավորումը (նվազեցնում է կախվածությունը օպերատորի փորձից):
  • myExam Companion/Cockpit: Պարզեցնում է օպերատորի աշխատանքը՝ գործընթացը դարձնելով «մեկ կոճակի սեղմումով»։
• Բազմակողմանիություն և առաջադեմ գործառույթներ.
  • Ամբողջ մարմնի կետերի շարժիչ. Հեշտությամբ պլանավորեք բազմապարամետրիկ ամբողջական մարմնի ուսումնասիրություններ:
  • Սրտաբանություն. Տեխնոլոգիաները թույլ են տալիս ազատ շնչառության ուսումնասիրություններ (GRASP-VIBE):
  • Քանակական ախտորոշում. ՄՌՏ-մատնահետքեր թվային ախտորոշման համար։
• Ընդլայնված հիվանդների հասանելիություն.
  • Հնարավորություն է տալիս հետազոտություններ անցկացնել այն հիվանդների մոտ, որոնց համար նախկինում դժվար կամ անհնար էր ՄՌՏ հետազոտություն անցնելը։

ՄՌՏ ծառայությունն աշխատում է առանց հանգստի` 7 օր, 24 ժամ ձևաչափով:

Կենտրոնում ՄՌՏ հետազոտության գրանցման համար կարող եք գրանցվել զանգահարելով +37410536933 կամ +37499991616 հեռախոսահամարներով կամ այցելել Պարոնյան փողոց, 21 շենք:

Հիվանդությունների ցանկը

• Գլխուղեղի զարգացման արատներ և անոմալիաներ
• Գլխուղեղի վնասվածքներ
• Գլխուղեղի բորբոքային պաթոլոգիաներ
• Գլխուղեղի անոթային պաթոլոգիաներ
• Ցրված սկլերոզ և այլ դեմիելինիզացնող պաթոլոգիաներ
• Հարքթային խոռոչների պաթոլոգիաներ
• Ուռուցքային պաթոլոգիաներ` ցանկացած տեղակայման
• Ողնաշարի, ողնուղեղի պաթոլոգիաներ
• Ոսկերի, փափուկ հյուսվածքների պաթոլոգիաներ
• Հոդավորումների պաթոլոգիաներ
• Որովայնի և փոքր կոնքի օրգանների պաթոլոգիաներ