Պրոկտոլոգիա

Ո՞վ է պրոկտոլոգը և ի՞նչ է բուժում

Պրոկտոլոգը (կամ կոլոպրոկտոլոգը) բժիշկ է, ով զբաղվում է ուղիղ և հաստ աղիների, ինչպես նաև հետանցքի շրջանում առաջացող հիվանդությունների ախտորոշմամբ, բուժմամբ և կանխ0ա0րգելմամբ։

Պրոկտոլոգիան բժշկության այն ճյուղն է, որը համատեղում է թերապևտիկ և վիրաբուժական մոտեցումներ՝ ուղղված մարսողական համակարգի ստորին հատվածի առողջությանը։ Պրոկտոլոգի դիմելու նպատակն է ոչ միայն առկա գանգատների վերացումը, այլև այլ բարդությունների՝ ինչպես քրոնիկ բորբոքային, այնպես էլ ուռուցքային հիվանդությունների կանխումը։

«Նաիրի» բժշկական կենտրոնում պրոկտոլոգիական ծառայությունը գործում է միջազգային ստանդարտներին համապատասխան՝ ապահովելով հիվանդությունների վաղ ախտորոշում և արդյունավետ բուժում։

Ե՞րբ է անհրաժեշտ դիմել պրոկտոլոգի

Պրակտոլոգին պետք է դիմել, եթե առկա են հետևյալ գանգատները․

• Ցավ կամ անհարմարություն հետանցքի շրջանում
• Արյան հետքեր արտաթորանքում
• Քոր, այրոց կամ արտադրություն հետանցքից
• Աղիքային խանգարումներ՝ փորկապություն կամ փորլուծություն
• Ուղիղ աղու ուռուցք
• Քաշի կտրուկ կորուստ, անեմիա, թուլություն

Այս ախտանիշները կարող են վկայել ինչպես բորբոքային վիճակների, այնպես էլ նորագոյացությունների կամ քրոնիկ հիվանդությունների մասին։

Պրոկտոլոգիական ախտորոշում. ինչպե՞ս է իրականացվում զննումը

Պրոկտոլոգի առաջին այցի ժամանակ բժիշկը մանրամասն ուսումնասիրում գանգատներն ու բժշկական պատմությունը։ Այնուհետև իրականացվում է արտաքին զննում և, անհրաժեշտության դեպքում, մատային հետազոտություն՝ ուղիղ աղու պատերի վիճակը գնահատելու համար։

Ըստ ցուցման կարող են իրականացվել նաև հետևյալ հետազոտությունները․

• Անոսկոպիա – հետանցքի և ուղիղ աղու սկզբնական հատվածի զննում հատուկ սարքով
• Ռեկտոսկոպիա կամ սիգմոիդոսկոպիա – ավելի խորքային ուսումնասիրություն
• Կոլոնոսկոպիա – հաստ աղու ամբողջական զննում
• Ուլտրաձայնային հետազոտություն (ՈւՁՀ) կամ ՄՌՏ՝ բարդ դեպքերում՝ հարակից օրգանների ներգրավվածությունը գնահատելու համար

Ինչպե՞ս պատրաստվել այցին

Ճիշտ պատրաստումը օգնում է ապահովել հետազոտության հարմարավետությունն ու արդյունավետությունը։ Պրոկտոլոգի այցից առաջ խորհուրդ է տրվում․

• Նախօրեին սնվել թեթև՝ խուսափելով ծանր և գազ առաջացնող մթերքներից
• Հետազոտությունից 6–8 ժամ առաջ չուտել և չխմել
• Անմիջապես զննումից առաջ կատարել աղիների մաքրում՝ միկրոկլիզմաների կամ հատուկ լուծույթների միջոցով
• Կրել հարմար և թեթև հագուստ

Բժիշկը կարող է տալ անհատական ցուցումներ՝ կախված նախատեսվող հետազոտության տեսակից։

Պրոկտոլոգը և թութքի բուժումը

Թութքը ուղիղ աղու ամենատարածված հիվանդություններից մեկն է։ Այն առաջանում է, երբ հեմոռոիդալ երակները լայնանում են և առաջացնում ցավ, այրոց և արյունահոսություն։

«Նաիրի» ԲԿ-ում թութքի բուժումն իրականացվում է ժամանակակից մեթոդներով՝ ըստ հիվանդության փուլերի․

• Դեղորայքային և պահպանողական բուժում
• Քիչ ինվազիվ մեթոդներ՝
  • լիգացիա (հեմոռոիդային հանգույցների ճնշում հատուկ օղակներով)
  • ինֆրոկարմիր կամ լազերային կոագուլյացիա
  • սկլերոթերապիա
• Վիրաբուժական միջամտություններ

Կոլոռեկտալ վիրաբուժություն «Նաիրի» ԲԿ-ում

Մեր վիրաբույժները իրականացնում են ինչպես դասական, այնպես էլ քիչ ինվազիվ միջամտություններ՝

• Ուղիղ աղու և հաստ աղու ուռուցքների վիրահատական բուժում
• Աղիքային խանգարումների վերականգնողական վիրահատություններ
• Ուղիղ աղու ճաքերի (ֆիսուրաների) և ֆիստուլաների հեռացում
• Պրոլապսի (ուղիղ աղու արտածման) վիրաբուժական բուժում
• Լազերային և էնդոսկոպիկ մեթոդներով միջամտություններ

Կենտրոնը հագեցած է վերջին սերնդի էնդոսկոպիկ սարքավորումներով, իսկ վիրահատությունները կատարվում են փորձառու վիրաբույժների կողմից՝ միջազգային չափանիշներին համապատասխան։

Պրոկտոլոգ Երևանում. «Նաիրի» բժշկական կենտրոն

«Նաիրի» բժշկական կենտրոնում պրոկտոլոգիական ծառայությունը ներառում է ուղիղ և հաստ աղիների հիվանդությունների ամբողջական ախտորոշում և բուժում։ Այստեղ պացիենտները ստանում են բարձրակարգ մասնագիտական խնամք, անհատական մոտեցում և վստահելի բժշկական աջակցություն։

Մեր առավելությունները՝

• Պրոֆեսիոնալ անձնակազմ
• Ժամանակակից ախտորոշիչ սարքավորումներ
• Հարմարավետ պայմաններ
• Բժշկական գաղտնիության լիարժեք պահպանում
• Անհատական բուժման պլան յուրաքանչյուր պացիենտի համար
• Բազմապրոֆիլ թիմ՝ գաստրոէնտերոլոգների, վիրաբույժների և անեսթեզիոլոգների մասնակցությամբ

Գրանցվելու համար կարող եք զանգահարել 89 00 հեռախոսահամարին կամ այցելել «Նաիրի» բժշկական կենտրոն՝ Պարոնյան 21 հասցեով։