Պլազմաֆերեզ

«Նաիրի» բժշկական կենտրոնում գործում է բուժական պլազմաֆերեզի ծառայություն, որն իրականացվում է ամբուլատոր։ Պլազմաֆերեզը բազմաթիվ հիվանդությունների բուժման ժամանակակից, անվիճելի մեթոդ է և հիմնված է արյան մեջ նյութափոխանակության արգասիքների, տարբեր թունավոր նյութերի, ալերգենների և այլ ախտաբանական միացությունների արագ հեռացման վրա։ Միջոցառումն իրականացվում է Fresenius ընկերության վերջին սերնդի սարքի օգնությամբ, որն ապահովում է հիվանդի առավելագույն անվտանգությունը։ Բուժական պլազմաֆերեզը կանխում է մի շարք հիվանդությունների բարդությունների առաջացումը, ինչպես նաև քրոնիկ բնույթի անցումը։ Բուժման արդյունավետությունը դիտվում է վերջին միջոցառումից 15-20 օր անց։

Պլազմաֆերեզի ցուցումներն են.

- աուտոիմուն հիվանդություններ (ռևմատոիդ արթրիտ, համակարգային կարմիր գայլխատ, սկլերոդերմիա),
- մաշկի հիվանդություններ (փսորիազ, նեյրոդերմիտ, ֆուրունկուլոզ, «խնդրահարույց մաշկ»),
- տարբեր ծագման արթրիտներ,
- նյարդային համակարգի հիվանդություններ (պոլինեյրոպաթիաներ, Գիյեն-Բարրեի համախտանիշ, ցրված սկլերոզ, հետվիրուսային նևրիտներ, միասթենիա),
- ստամոքս-աղիքային ուղու հիվանդություններ (տարբեր ծագման հեպատիտներ, խոլեցիստիտ),
- սիրտ-անոթային համակարգի հիվանդություններ (ռևմատիզմ, աթերոսկլերոզ, խոլեսթերինեմիա),
- էնդոկրին հիվանդություններ և նյութափոխանակության խանգարումներ (աուտոիմուն թիրեոիդիտ, շաքարային դիաբետ),
- լիպիդային փոխանակության խանգարում,
- աթերոսկլերոզի կանխարգելում,
- սուր և քրոնիկ թունավորումներ (տոքսիկոմանիա, ծխախոտային կախվածություն, սննդային թունավորումներ),
- թմրամոլություն և ալկոհոլիզմ (օրգանիզմից հեռացնելով ալկոհոլի քայքայման արդյունքները, թմրանյութերը, հոգեմետ նյութերը, թույները, թերօքսիդացված նյութերը՝ պլազմաֆերեզը նվազեցնում է լյարդի, երիկամների և փայծաղի վրա դրանց տոքսիկ ազդեցությունը, բարձրացնում է արտաքին ազդակների նկատմամբ օրգանիզմի դիմադրողականությունը, նվազեցնում հիվանդի ստացիոնար բուժման ժամանակը, շտկում է իմունաբանական խանգարումները, նյոթափոխանակության, իմուն համակարգի վրա ցուցաբերում է խթանող ազդեցություն, բարելավում է հյուսվածքներում միկրոշրջանառությունը և թթվածնի նյութափոխանակությունը),
- ալերգիկ վիճակներ (ատոպիկ դերմատիտ, եղնջացան, Կվինկեի այտուց, բրոնխիալ ասթմա, վազոմոտոր ռինիտ, սննդային անտանելիություն),
- միզասեռական վարակներ (խլամիդիաներ, միկոպլազմա, հերպես, ցիտոմեգալովիրուս),
- կլիմակտերիկ համախտանիշ,
- հղիության տոքսիկոզ, HLA անհամատեղելիություն, ռեզուս հակամարտություն, հակաֆոսֆոլիպիդային համախտանիշ, ինսեմինացիայի կամ արտամարմնային բեղմնավորման նախապատրաստում,
- վիճակներ` այրվածքներից, ծանր վնասվածքներից, ալկոհոլային թունավորումներից, քիմիաթերապիայից, երկարատև տարածուն հակաբակտերիալ բուժումից հետո,
- քիմիաթերապիայի և ճառագայթային բուժման հետևանքների վերացում,
- բրոնխիալ ասթմա,
- քրոնիկ հոգնածության համախտանիշ,
- սեպտիկ վիճակներ,
- Գուդպասչերի համախտանիշ (մազանոթների համակարգային բորբոքում՝ թոքերի և երիկամների ախտահարումով),
ներանոթային տարածուն մակարդման համախտանիշ:

Անպայման պետք է հաշվի առնել, որ բուժման մեկ սեանսով պետք է չսահմանափակվել, և իրականացնել առնվազն երեք անգամ, քանի որ.

- առաջին փուլը նախատեսված է արյան մեջ ազատ շրջանառվող թունավոր նյութերի հեռացման համար,
- երկրորդ սեանսը հեռացնում է միջբջջային հեղուկում «կախված» թույները,
- երրորդ սեանսն է ապահովում վնասակար նյութերի հեռացումն անմիջապես բջիջներից։
Պլազմաֆերեզն իրականացվում է մասնագետի հետ խորհրդատվությունից հետո՝ բժշկի հսկողությամբ, որը հսկում է հիվանդին միջոցառման ընթացքում։

Պլազմաֆերեզ

Ծառայությունների ցանկ