Էլեկտրոնեյրոմիոգրաֆիա (ԷՆՄԳ)

Էլեկտրոնեյրոմիոգրաֆիան (ԷՆՄԳ) նյարդա-մկանային համակարգի ախտորոշման ժամանակակից մեթոդ է։ Այն թույլ է տալիս գնահատել պերիֆերիկ նյարդերի և մկանների ֆունկցիոնալ վիճակը՝ գրանցելով դրանց էլեկտրական ակտիվությունը։

Ի՞նչ է ԷՆՄԳ-ն

Հետազոտությունը հիմնված է մկանների և նյարդերի միջև անցնող էլեկտրական ազդակների ուսումնասիրության վրա։ ԷՆՄԳ-ն օգնում է հայտնաբերել նյարդերի վնասվածքները, մկանային հիվանդությունները, նյարդամկանային հաղորդականության խանգարման խնդիևները: Այն անվտանգ է, ոչ ինվազիվ կամ նվազ ինվազիվ (կախված մեթոդից) և լայնորեն կիրառվում է նյարդաբանության, նյարդավիրաբուժության, տրավմատոլոգիայի, ռևմատոլոգիայի, պլաստիկ վիրաբուժվության և միկրովիրաբուժության, էնդոկրինոլոգիայի և այլ նեղ մասնագիտական ոլորտներում։

Ցուցումներ

ԷՆՄԳ-ն կարող է ցուցվել, եթե առկա են․

Վերին կամ ստորին վերջույթների թմրածություն, թուլություն, մկանային ցավեր
Սուր կամ քրոնիկ նյարդաբանական հիվանդությունների կասկած
Ողնաշարի դեգեներատիվ հիվանդություններ, միջողնային ճողվածք
Պոլինեյրոպաթիաներ (օր.՝ դիաբետիկ , ալկոհոլային, դեղորայքային)
Սուր կամ քրոնիկ մկանային հիվանդություններ
Նյարդային հյուսակների բորբոքային և տրակցիոն ախտահարումներ
Թունավոր կամ դեղորայքային նեյրոպաթիաներ
Նյարդային հաղորդունակության խանգարումներ
Նյարդերի տրավմատիկ ախտահարում և վնասվածքներից հետո նյարդերի վերականգնման հսկողություն

ԷՆՄԳ-ն նշանակվում է նաև, երբ անհրաժեշտ է պարզել մկանային թուլության կամ ցավի պատճառները, տարբերակել նյարդային և մկանային պաթոլոգիաները։

ԷՆՄԳ վերին վերջույթների համար

Վերին վերջույթների ԷՆՄԳ-ն կիրառվում է ձեռքի, նախաբազկի և ուսի նյարդերի ու մկանների վիճակը գնահատելու համար։ Այն թույլ է տալիս․

Հայտնաբերել թունելային նեյրոպաթիաներ (օր.՝ կարպալ/կուբիտա, սպիրալ թունելի համախտանիշ)
Գնահատել բրախիալ հյուսակի վնասումները
Պարզել նյարդերի սեղմման կամ վնասման աստիճանը
Հսկել վերականգնման դինամիկան վիրահատություններից կամ վնասվածքներից հետո

Այս հետազոտությունը կարևոր է հատկապես այն պացիենտների համար, ովքեր ունեն ձեռքի թմրածություն, քոր կամ մկանային թուլություն։

ԷՆՄԳ ստորին վերջույթների համար

Ստորին վերջույթների ԷՆՄԳ-ն գնահատում է ոտքի, սրունքի և ազդրի նյարդերի ու մկանների վիճակը։ Այն օգնում է․

Հայտնաբերել նստանյարդի վնասումներ
Գնահատել նյարդերի հաղորդունակության խանգարումները շաքարային դիաբետի կամ այլ մետաբոլիկ հիվանդությունների դեպքում
Ախտորոշել պոլինեյրոպաթիաներ և մկանային դիստրոֆիաներ
Գնահատել միջողային սկավառակի ճողվածների հետևանքով ոտքերի նյարդերի ախտահարումը,
Ուղղակիորեն տարբերել ողնաշարային և մկանային պաթոլոգիաները
Հսկել վերականգնման գործընթացը վնասվածքներից հետո

Այս հետազոտությունը հաճախ ցուցվում է այն պացիենտներին, ովքեր բողոքում են ոտքերի թուլությունից, ցավերից կամ անզգայացումից, քայլքի խանգարումներից և ողնաշարային ցավերի դեպքում:

Ինչպես է իրականացվում ԷՆՄԳ-ն

Հետազոտությունը կատարվում է նյարդաբանի կողմից՝ ժամանակակից սարքավորումների կիրառմամբ։ Կան երկու հիմնական մեթոդներ․

Նյարդի հաղորդունակության ուսումնասիրություն՝ ստիմուլացիոն – մաշկի վրա տեղադրվում են էլեկտրոդներ, որոնց միջոցով գրանցվում է նյարդային ազդակների տարածման արագությունը։
Ասեղային մեթոդ – բարակ ասեղային էլեկտրոդը ներմուծվում է մկան՝ գնահատելու դրա էլեկտրական ակտիվությունը, մկանաթելերի աշխատանքը և լիարժեքությունը հանգստի և կծկման վիճակում։

Հետազոտության ընտացքը տևում է միջինում 20–60 րոպե։ Այն կարող է առաջացնել որոշակի տհաճ զգացողություններ ասեղային էլեկտրոդի տեղադրման ժամանակ, սակայն համարվում է անվտանգ և անցավ։

Ինչ է ցույց տալիս ԷՆՄԳ-ն

ԷՆՄԳ-ի արդյունքները կարևոր տեղեկություն են տալիս նյարդա-մկանային համակարգի վիճակի մասին։ Բժիշկը կարող է․

Գնահատել նյարդային ազդակների արագությունը և հաղորդունակությունը
Հայտնաբերել նյարդերի սեղմում կամ վնասում
Տարբերել նյարդային և մկանային բնույթի պաթոլոգիաներ
Վերահսկել բուժման և վերականգնման արդյունավետությունը
Հստակեցնել ախտորոշումը, երբ այլ մեթոդները (ՄՌՏ, ուլտրաձայն) բավարար ինֆորմացիա չեն տալիս

ԷՆՄԳ-ն հաճախ համարվում է նյարդաբանական ախտորոշման «ավարտական քայլ», որը օգնում է ընտրել ճիշտ բուժման մարտավարություն։

Որտեղ իրականացնել ԷՆՄԳ Երևանում

«Նաիրի» բժշկական կենտրոնում ԷՆՄԳ-ն իրականացվում է միջազգային չափանիշներին համապատասխան՝

Ժամանակակից սարքավորումներով
Փորձառու նյարդաբանների և նյարդաֆիզիոլոգների կողմից
Անհատական մոտեցմամբ
Հարմարավետ միջավայրում

Կենտրոնում իրականացվում են ինչպես վերին, այնպես էլ ստորին վերջույթների ԷՆՄԳ հետազոտություններ։ Արդյունքները վերլուծվում են անմիջապես և ներկայացվում են պացիենտին հասկանալի եզրակացության տեսքով։

Գրանցվելու համար կարող եք զանգահարել 89 00 հեռախոսահամարին կամ այցելել կենտրոն՝ հասցեով՝ Պարոնյան 21