Աուդիոլոգիա և օտոնևրոլոգիա

Լսողության և հավասարակշռության խանգարումները կարող են պայմանավորված լինել արտաքին, միջին կամ ներքին ականջի հիվանդություններով, լսողական նյարդի ախտահարումներով, ինչպես նաև կենտրոնական նյարդային համակարգի որոշ հիվանդություններով։

Ժամանակակից աուդիոլոգիական և օտոնևրոլոգիական հետազոտությունները հնարավորություն են տալիս գնահատել լսողական և վեստիբուլյար համակարգերի տարբեր բաժինների աշխատանքը և առավել ճշգրիտ որոշել գանգատների պատճառը։

Ծառայության շրջանակում իրականացվում են՝

• Աուդիոլոգ-օտոնևրոլոգի խորհրդատվություն,
• արտաքին լսողական անցուղու և թմբկաթաղանթի զննում,
• օտոմիկրոսկոպիա և վիդեոօտոմիկրոսկոպիա,
• տոնալ շեմային աուդիոմետրիա,
• խոսքային աուդիոմետրիա,
• տիմպանոմետրիա,
• ակուստիկ ռեֆլեքսների գրանցման հետազոտություն,
• օտոակուստիկ էմիսիայի գրանցման հետազոտություն,
• լսողական հարուցված պոտենցիալների գրանցման հետազոտություն,
• ժառանգական ծանրալսության հայտնաբերման հետազոտություն
• գլխապտույտի և հավասարակշռության խանգարումների կլինիկական գնահատում,
• դիրքային և վեստիբուլյար փորձեր,
• վեստիբուլյար համակարգի ֆունկցիոնալ հետազոտություններ։

Հետազոտությունների ծավալը որոշվում է անհատապես՝ հաշվի առնելով պացիենտի գանգատները, հիվանդության պատմությունը և կլինիկական զննման արդյունքները։

Ի՞նչ է ախտորոշում և բուժում աուդիոլոգ-օտոնևրոլոգը

Լսողության խանգարումներ

• հաղորդչական լսողության կորուստ,
• սենսոնևրալ լսողության կորուստ,
• խառը տիպի լսողության կորուստ,
• տարիքային լսողության նվազում,
• աղմուկի ազդեցությամբ պայմանավորված լսողության խանգարումներ,
• հանկարծակի զարգացած լսողության կորուստ,
• միակողմանի կամ երկկողմանի լսողության նվազում
• ժառանգական ծանրալսություն

Ականջներում աղմուկ և այլ լսողական գանգատներ

• ականջներում զնգոց կամ աղմուկ՝ տինիտուս,
• ականջի փակվածության կամ ճնշման զգացողություն,
• ականջում ցավ և ականջից արտադրություն
• ձայնի ընկալման փոփոխություններ,
• խոսքի ընկալման դժվարություն, հատկապես աղմկոտ միջավայրում
• հիպերակուզիս(բարձր ձայնի նկատմամբ անհանդուժողականություն)

Գլխապտույտ և հավասարակշռության խանգարումներ

• բարորակ պարոքսիզմալ դիրքային գլխապտույտ (BPPV),
• Մենյերի հիվանդություն,
• վեստիբուլյար նեյրոնիտ,
• լաբիրինթային և այլ ծայրամասային վեստիբուլյար խանգարումներ,
• կրկնվող կամ երկարատև գլխապտույտ,
• քայլելիս անկայունություն,
• հավասարակշռության խանգարումներ,
• վեստիբուլյար և կենտրոնական ծագման գլխապտույտների տարբերակիչ ախտորոշում։

Անհրաժեշտության դեպքում պացիենտի ախտորոշումն ու բուժումը կազմակերպվում են նաև նյարդաբանի և այլ մասնագետների հետ համատեղ։

Այցելության ցուցումներ

Աուդիոլոգ- օտոնևրոլոգի խորհրդատվության խորհուրդ է տրվում դիմել, եթե առկա են հետևյալ գանգատներից մեկը կամ մի քանիսը՝

• Լսողության նվազում. եթե սկսել եք ավելի դժվար լսել խոսքը, հաճախ խնդրում եք կրկնել ասվածը կամ բարձրացնում եք հեռուստացույցի և այլ սարքերի ձայնը։
• Ականջներում աղմուկ կամ զնգոց. մշտական կամ պարբերաբար առաջացող ձայները կարող են ուղեկցել լսողական համակարգի տարբեր խանգարումների։
• Հանկարծակի լսողության կորուստ. մեկ կամ երկու ականջում կարճ ժամանակում առաջացած լսողության զգալի նվազումը պահանջում է հնարավորինս արագ բժշկական գնահատում։
• Գլխապտույտ. շրջապատի կամ սեփական մարմնի պտտման զգացողությունը կարող է կապված լինել ներքին ականջի վեստիբուլյար համակարգի ախտահարման հետ։
• Հավասարակշռության խանգարում. քայլելիս անկայունությունը, կողքի շեղվելու կամ ընկնելու զգացողությունը պահանջում են պատճառի հստակեցում։
• Դիրքի փոփոխությունից առաջացող գլխապտույտ. անկողնում շրջվելիս, պառկելիս, վեր կենալիս կամ գլուխը շարժելիս առաջացող կարճատև գլխապտույտը հաճախ հանդիպում է դիրքային գլխապտույտի դեպքում։
• Ականջի փակվածության կամ ճնշման զգացողություն. հատկապես եթե այն ուղեկցվում է լսողության փոփոխությամբ, աղմուկով կամ գլխապտույտով։
• Կրկնվող գլխապտույտի նոպաներ. հատկապես եթե դրանք ուղեկցվում են սրտխառնոցով, լսողության տատանումներով կամ ականջներում աղմուկով։

Վաղ ախտորոշումը հատկապես կարևոր է հանկարծակի լսողության կորստի և սուր վեստիբուլյար խանգարումների դեպքում։

Հիվանդությունների և վիճակների ցանկը

• Սենսոնևրալ լսողության կորուստ
• Հաղորդչական լսողության կորուստ
• Խառը տիպի լսողության կորուստ
• Հանկարծակի լսողության կորուստ
• Տարիքային լսողության նվազում
• Տինիտուս
• Ժառանգական ծանրալսություն
• Բարորակ պարոքսիզմալ դիրքային գլխապտույտ (BPPV)
• Մենյերի հիվանդություն
• Վեստիբուլյար նեյրոնիտ
• Կրկնվող գլխապտույտ
• Հավասարակշռության և քայլքի խանգարումներ
• Ծայրամասային և կենտրոնական վեստիբուլյար խանգարումներ