Կոլոնոսկոպիա

Ի՞նչ է կոլոնոսկոպիան և ե՞րբ է կիրառվում

Կոլոնոսկոպիան ախտորոշիչ հետազոտության մեթոդ է, որի միջոցով հնարավոր է ուսումնասիրել հաստ աղու լորձաթաղանթը՝ հայտնաբերելու բորբոքային, վարակիչ, ուռուցքային կամ կառուցվածքային փոփոխություններ։ Այն համարվում է վստահելի մեթոդ վաղ փուլում աղիքային քաղցկեղը, պոլիպները և այլ պաթոլոգիաներ հայտնաբերելու համար։

Ինչպե՞ս է իրականացվում կոլոնոսկոպիա

Կոլոնոսկոպիան իրականացվում է կոլոնոսկոպ կոչվող ճկուն, բարակ խողովակով, որն ունի տեսախցիկ և լույսի աղբյուր։ Այն բժշկի կառավարմամբ աստիճանաբար ներհրվում է ուղիղ աղիք և շարժվում դեպի վեր՝ ուսումնասիրելով հաստ աղիքը ողջ երկարությամբ ։

• Այս մեթոդը թույլ է տալիս ոչ միայն տեսողական գնահատում, այլև՝
• բիոպսիայի (հյուսվածքի նմուշի) իրականացնելու հնարավորություն,
• պոլիպների հեռացում,
• արյունահոսության դադարեցում,
• լորձաթաղանթի վիճակի գնահատում քրոնիկ բորբոքումների դեպքում։

Ո՞ր հատվածներն են հետազոտվում

Կոլոնոսկոպիայի ընթացքում բժիշկը տեսնում է հետևյալ հատվածները․

• Հաստ աղին ողջ երկարությամբ
• Զստաղու տերմինալ հատվածը

Հնարավոր է նաև մանրակրկիտ դիտել կույր աղիքից վեր՝ բարակ աղիքի վերջնամասը (տերմինալ իլեում, իլեոսկոպիա)։

Ե՞րբ է անհրաժեշտ իրականացնել կոլոնոսկոպիա

Կոլոնոսկոպիան կարող է ցուցվել ինչպես ախտանիշների առկայության դեպքում, այնպես էլ՝ կանխարգելիչ նպատակով։ Տարածված ցուցումները ներառում են․

• կղանքում թարմ կամ մակարդված արյան առկայություն
• Առանց պատճառ քաշի կորուստ
• Քրոնիկ փորկապություն կամ փորլուծություն
• Սակավարյունություն առանց հստակ բացատրության
• որովակնի ցավեր, գազեր, փքվածություն
• Աղիքային պոլիպների կամ քաղցկեղի ընտանեկան պատմություն
• Քաղցկեղի կանխարգելիչ ստուգում՝ 45 տարեկանից բարձր անձանց դեպքում

Ինչպե՞ս պատրաստվել հետազոտությանը

Հետազոտության արդյունքի ճշգրտությունը կախված է աղիքի մաքրությունից։ Պատրաստումը սովորաբար սկսվում է հետազոտությունից 2-3 օր առաջ և ներառում է՝

• Հատուկ դիետա՝ մարսողական և բջջանյութով հարուստ սննդի բացառմամբ
• Լուծողական դեղամիջոց՝ բժշկի ցուցումով

Ինչպե՞ս է իրականացվում

Կոլոնոսկոպիան կատարվում է ամբուլատոր պայմաններում՝ հատուկ հիվանդասենյակում։ Պացիենտը պառկում է ձախ կողքի վրա։ Հետազոտությունը սովորաբար տևում է 20-ից 40 րոպե։

Կոլոնոսկոպիա անզգայացմամբ

«Նաիրի» ԲԿ-ում հնարավոր է իրականացնել կոլոնոսկոպիա անզգայացմամբ, որը նպաստում է հետազոտության առավել հարմարավետ ընթացքին։ Անզգայացման շնորհիվ պացիենտը չի զգում ցավ կամ անհարմարություն և գործընթացը անցնում է հանգիստ և առանց ավելորդ սթրեսի։

Անզգայացումը վերահսկվում է անեսթեզիոլոգի կողմից և լիովին անվտանգ է։

Ի՞նչ է հնարավոր հայտնաբերել կոլոնոսկոպիայի միջոցով

Կոլոնոսկոպիայի միջոցով հնարավոր է հայտնաբերել․

• Աղիների բորբոքային հիվանդություններ (օրինակ՝ Կրոնի հիվանդություն, խոցային կոլիտ)
• Պոլիպներ, որոնք կարող են վերածվել ուռուցքի
• Քաղցկեղ և նրա նախաքաղցկեղային փուլերը
• Աղիքային արյունահոսության աղբյուրներ
• Ինֆեկցիոն բնույթի բորբոքումներ, նեղացումներ և լորձաթաղանթի վնասումներ

Կարևոր է հիշել, որ կոլոնոսկոպիան կարող է ոչ միայն ախտորոշել, այլև կանխել քաղցկեղը՝ ժամանակին հայտնաբերելով և հեռացնելով պոլիպները։

Որտե՞ղ իրականացնել կոլոնոսկոպիա Երևանում

«Նաիրի» ԲԿ-ում կոլոնոսկոպիան իրականացվում է միջազգային չափանիշներին համապատասխան՝ փորձառու էնդոսկոպիստների և անեսթեզիոլոգների կողմից։ Կենտրոնը հագեցած է ժամանակակից էնդոսկոպիկ սարքավորումներով, ինչը ապահովում է բարձր ճշգրտություն և անվտանգություն։

Մենք ապահովում ենք՝

• Անհատական մոտեցում
• Փորձառու բժիշկներ
• Գործիքների բարձր մակարդակի ախտահանում, հարմարավետ միջավայր

Գրանցվելու համար կարող եք զանգահարել 89 00 հեռախոսահամարին կամ այցելել կենտրոն՝ հասցեով՝ Պարոնյան 21։