Բրոնխոսկոպիա

Բրոնխոսկոպիան շնչուղիների հետազոտման ժամանակակից մեթոդ է, որի շնորհիվ բժիշկը կարող է մանրակրկիտ զննել կոկորդից մինչև բրոնխների հասանելի հատվածները։ Այն իրականացվում է հատուկ սարքի՝ բրոնխոսկոպի միջոցով, որը հագեցած է տեսախցիկով և լուսային համակարգով։

Այս հետազոտությունը թույլ է տալիս ոչ միայն հայտնաբերել շնչուղիների հիվանդությունները, այլ նաև, անհրաժեշտության դեպքում, իրականացնել փոքրածավալ բուժիչ միջամտություններ, ինչպես նաև սանացիան (մաքրում) գործողություններ։

Բրոնխոսկոպիայի միջոցով կարելի է՝

• Գնահատել շնչուղիների լորձաթաղանթի վիճակը
• Նորագոյացությունների, բորբոքային փոփոխությունների և խցանումների հայտնաբերում
• Լորձի կամ օտար մարմնի հեռացում
• Թոքային հիվանդությունների պատճառների պարզում և հյուսվածքային նմուշառում (բիոպսիա)
• Վիրահատություններից հետո շնչուղիների վերստուգում և անհրաժեշտության դեպքում մաքրման իրականացում

Ե՞րբ է ցուցվում բրոնխոսկոպիա

Բրոնխոսկոպիան կարող է ցուցվել, եթե առկա են հետևյալ գանգատները կամ ախտանիշները․

Երկարատև հազ

• Շնչառության խանգարումներ
• Խորխի մեջ արյան առկայություն (հեմոպտիզ)
• Թոքերի կամ բրոնխների ուռուցքային հիվանդությունների կասկած
• Քրոնիկ բրոնխիտ, բրոնխէկտազ կամ այլ բորբոքային հիվանդություններ
• Թոքաբորբի երկարատև կամ կրկնվող ընթացք
• Օտար մարմնի կասկած շնչուղիներում

Բացի ախտորոշիչ նպատակներից, բրոնխոսկոպիան հաճախ կիրառվում է նաև բուժիչ նպատակով՝ շնչուղիների մաքրում, խցանման վերացում կամ տեղային դեղամիջոցների ներմուծում։

Ինչպե՞ս պատրաստվել բրոնխոսկոպիայի

Պատրաստման հիմնական քայլերն են․

• Բժշկական նախնական զննում, լաբորատոր և գործիքային որոշ հետազոտություններ (արյան ընդհանուր քննություն, կոագուլոգրամմա, ԷԿԳ)
• Թոքերի ռադիոլոգիական հետազոտություններ (ռենտգեն կամ ՀՇ)՝ ըստ ցուցման
• Հետազոտությունից առնվազն 6-8 ժամ առաջ սննդի և հեղուկների բացառություն
• Ծխելու և ալկոհոլի օգտագործման սահմանափակում
• Բժիշկը մանրամասն տեղեկացնում է հետազոտության ընթացքը և պատասխանում բոլոր հարցերին

Եթե պացիենտը ընդունում է արյունը նոսրացնող դեղամիջոցներ կամ ունի ալերգիաներ, ապա անպայման այդ մասին հարկավոր է նախօրոք տեղեկացնել բժշկին։

Ինչպե՞ս է իրականացվում բրոնխոսկոպիան

Բրոնխոսկոպիան կատարվում է ստերիլ պայմաններում, փորձառու մասնագետի կողմից։ Կան երկու հիմնական մեթոդներ․

• Ճկուն բրոնխոսկոպի միջոցով – առավել հաճախ կիրառվող, ապահովում է հարմարավետություն և մանրակրկիտ զննում
• Կարծր բրոնխոսկոպի միջոցով – կիրառվում է հատուկ դեպքերում, օրինակ՝ օտար մարմնի հեռացում կամ արյունահոսության դադարեցում

Հետազոտության ընթացքում բրոնխոսկոպը նրբորեն ներդրվում է բերանի կամ քթի միջոցով, անցնում է կոկորդը և մտնում բրոնխներ։ Տեսախցիկի օգնությամբ բժիշկը ստանում է բարձրորակ պատկեր, որը հնարավորություն է տալիս մանրամասն գնահատել շնչուղիների վիճակը։

Սովորաբար տևում է 10-20 րոպե, իսկ բիոպսիայի կամ բուժական միջամտության դեպքում՝ մի փոքր ավելի երկար։

Հետազոտությունից հետո պացիենտը մի քանի ժամ գտնվում է հսկողության տակ՝ մինչև տեղային անզգայացման կամ նարկոզի ազդեցության լիարժեք անցնելը։

Բրոնխոսկոպիա անեսթեզիայով (նարկոզով)

«Նաիրի» ԲԿ-ում բրոնխոսկոպիան հնարավոր է իրականացնել նաև ընդհանուր անզգայացման պայմաններում, ինչը ապահովում է լրացուցիչ հարմարավետություն և կանխում է հնարավոր տհաճ զգացողությունները։ Անեսթեզիայով բրոնխոսկոպիան հատկապես խորհուրդ է տրվում՝

• Երեխաների համար
• Վախ կամ անհանգստություն ունեցող պացիենտների դեպքում
• Երկարատև կամ բարդ միջամտությունների ժամանակ

Անզգայացման ընթացքում և հետո պացիենտի վիճակը մշտապես վերահսկվում է անեսթեզիոլոգի և բուժանձնակազմի կողմից։

Որտեղ Իրականացնել բրոնխոսկոպիա Երևանում

«Նաիրի» բժշկական կենտրոնում բրոնխոսկոպիան իրականացվում է ժամանակակից սարքավորումներով, բարձր որակավորում ունեցող մասնագետների կողմից։ Մեր առավելությունները՝

• Վերջին սերնդի բրոնխոսկոպներ
• Բարձր որակյալ պատկերային համակարգեր
• Հարմարավետ պայմաններ և անհատական մոտեցում
• Հնարավորություն իրականացնել հետազոտությունը ինչպես տեղային անզգայացմամբ, այնպես էլ անեսթեզիայով

Գրանցվելու համար կարող եք զանգահարել 89 00 հեռախոսահամարին կամ այցելել «Նաիրի» բժշկական կենտրոն՝ Պարոնյան 21 հասցեով։