Գաստրոսկոպիա

Գաստրոսկոպիայից առաջ անհրաժեշտ է պահպանել բժշկի կողմից տրված նախապատրաստման ցուցումները։ Սովորաբար հետազոտությունն իրականացվում է դատարկ ստամոքսով, որպեսզի հնարավոր լինի հստակ գնահատել լորձաթաղանթի վիճակը։ Եթե պացիենտը մշտապես դեղեր է ընդունում կամ ունի ուղեկցող հիվանդություններ, դրա մասին պետք է նախապես տեղեկացնել բժշկին։

Գաստրոսկոպիան սովորաբար տևում է մոտ 5–10 րոպե։ Սակայն ընդհանուր այցը կարող է ավելի երկար լինել, քանի որ ներառում է նախապատրաստումը, բժշկի հետ նախնական զրույցը և, անհրաժեշտության դեպքում, հետազոտությունից հետո կարճատև հսկողությունը։ Եթե կատարվում է նաև բիոպսիա կամ այլ լրացուցիչ միջամտություն, հետազոտությունը կարող է մի փոքր ավելի երկար տևել։

Գաստրոսկոպիան կարող է իրականացվել տեղային անզգայացմամբ, սակայն հետազոտության առավել ինֆորմատիվության և բուժառուի առավելագույն հարմարավետության համար այն հաճախ կատարվում է սեդացիայի պայմաններում։ Մոտեցումը ընտրվում է անհատապես՝ կախված պացիենտի վիճակից, ուղեկցող հիվանդություններից և հետազոտության նպատակից։ Թե որ տարբերակն է տվյալ դեպքում նպատակահարմար, որոշում է բժիշկը։

Այո, որոշ դեպքերում գաստրոսկոպիան կատարվում է առանց անզգայացման։ Հաճախ կիրառվում է միայն կոկորդի տեղային անզգայացում, որը նպաստում է հետազոտության ավելի տանելի անցկացմանը։ Թե ինչ ձևաչափով կանցկացվի հետազոտությունը, որոշվում է յուրաքանչյուր պացիենտի դեպքում անհատապես։

Հետազոտության անհրաժեշտությունը, ձևաչափը և կազմակերպման պայմանները որոշվում են երեխայի տարիքից, գանգատներից և ընդհանուր կլինիկական իրավիճակից ելնելով։ Երեխաների մոտ գաստրոսկոպիայի անցկացման հնարավորությունն ու պայմանները պետք է նախապես ճշտել բժշկական կենտրոնում։

Գաստրոսկոպիայից առաջ հեղուկ ընդունելու հնարավորությունը կախված է հետազոտության ժամից և նախապատրաստման կանոններից։ Շատ դեպքերում հետազոտությունից առաջ որոշ ժամանակ խորհուրդ է տրվում ոչինչ չխմել, որպեսզի ստամոքսը դատարկ լինի։ Սովորաբար ցանկալի է սնունդ չընդունել 12 ժամ, իսկ հեղուկներ՝ 4–5 ժամ առաջ։

Սովորաբար գաստրոսկոպիայից առաջ ցանկալի է դադարեցնել սննդի ընդունումը հետազոտությունից 12 ժամ առաջ, իսկ ջրի օգտագործումը՝ 4 ժամ առաջ, որպեսզի հետազոտությունն իրականացվի դատարկ ստամոքսով։

Գաստրոսկոպիայից հետո հետագա սահմանափակումները կախված են նրանից, թե կիրառվել է միայն տեղային անզգայացում, թե նաև սեդացիա։ Շատ դեպքերում պացիենտը կարճ ժամանակ անց կարող է վերադառնալ առօրյա գործերին, սակայն մի քանի ժամով սահմանափակվում է մեքենա վարելը։

Գաստրոսկոպիան սովորաբար ուժեղ ցավ չի առաջացնում, սակայն կարող է ուղեկցվել տհաճ զգացողություններով։ Հետազոտության ընթացքում կարող են առաջանալ կոկորդում անհարմարություն, օտար մարմնի զգացողություն կամ սրտխառնոցի ռեֆլեքս։ Այս զգացողությունները տարբեր մարդկանց մոտ տարբեր կերպ կարող են արտահայտվել, այդ պատճառով գերադասելի է, որ հետազոտությունը կատարվի ներերակային անզգայացմամբ։

Այո, որոշ դեպքերում հնարավոր է միաժամանակ կատարել և՛ գաստրոսկոպիա, և՛ կոլոնոսկոպիա։ Այս մոտեցումը կարող է նպատակահարմար լինել, երբ անհրաժեշտ է մեկ այցի ընթացքում գնահատել մարսողական համակարգի տարբեր բաժինները։

Գաստրոսկոպիայի հաճախականությունը որոշվում է բժշկական ցուցումներով։ Այն կարող է կրկնվել գանգատների պահպանման, նախկինում հայտնաբերված փոփոխությունների վերահսկման, դինամիկ հսկողության կամ բուժման արդյունքի գնահատման դեպքում։ Որևէ հստակ սահմանափակում կամ հակացուցում գոյություն չունի։

Այո, ըստ ցուցումների, գաստրոսկոպիայի ընթացքում հնարավոր է կատարել նաև բիոպսիա։ Դա նշանակում է, որ լորձաթաղանթից վերցվում է հյուսվածքի փոքր նմուշ՝ հետագա հյուսվածաբանական հետազոտության համար։ Սա օգնում է ավելի հստակ գնահատել հայտնաբերված փոփոխությունների բնույթը։

Հղիության ընթացքում գաստրոսկոպիան իրականացվում է միայն այն դեպքերում, երբ դրա համար կան հստակ բժշկական ցուցումներ։ Հետազոտության նպատակահարմարությունը որոշվում է անհատապես՝ հաշվի առնելով հղիության ժամկետը, գանգատների բնույթը և ընդհանուր կլինիկական վիճակը։ Որոշումը կայացվում է բժշկի կողմից՝ օգուտն ու հնարավոր ռիսկերը գնահատելուց հետո։