Կոլպոսկոպիա

Ի՞նչ է կոլպոսկոպիան

Կոլպոսկոպիան գինեկոլոգիական ախտորոշիչ հետազոտության մեթոդ է, որը թույլ է տալիս մանրամասն ուսումնասիրել արգանդի վզիկը, հեշտոցի և արտաքին սեռական օրգանների լորձաթաղանթը։ Հետազոտությունն իրականացվում է կոլպոսկոպ կոչվող օպտիկական սարքի միջոցով, որը հնարավորություն է տալիս հայտնաբերել միկրոսկոպիկ փոփոխություններ, որոնք անզեն աչքով տեսանելի չեն։

Կոլպոսկոպիան կիրառվում է ինչպես կանխարգելիչ զննումների, այնպես էլ կասկածելի փոփոխությունների բացահայտման և վերահսկման նպատակով։ Այն կարևոր դեր ունի արգանդի վզիկի քաղցկեղի վաղ հայտնաբերման և կանխարգելման գործում։

Ե՞րբ է ցուցվում

Կոլպոսկոպիան կարող է ցուցվել հետևյալ դեպքերում․

• Պապ թեստի (Pap smear) արդյունքներում փոփոխությունների հայտնաբերում
• Արգանդի վզիկի էրոզիայի կամ էկտոպիայի կասկած
• Վիրուսային վարակների (օր.՝ մարդու պապիլոմավիրուս, HPV) հայտնաբերում և հսկում
• Արգանդի վզիկի և հեշտոցի բորբոքային հիվանդությունների դեպքում
• Կասկածելի գոյացությունների կամ նախաքաղցկեղային փոփոխությունների ախտորոշում
• Վիրահատությունից կամ բուժումից հետո վերահսկողություն

Հետազոտության այս մեթոդը կիրառվում է ինչպես ախտորոշման, այնպես էլ բուժման արդյունավետությունը գնահատելու համար։

Ի՞նչ հիվանդություններ է կարելի հայտնաբերել կոլպոսկոպիայի միջոցով

Կոլպոսկոպիայի միջոցով հնարավոր է հայտնաբերել․

• Արգանդի վզիկի էկտոպիա
• Լորձաթաղանթի բորբոքային փոփոխություններ
• Մարդու պապիլոմավիրուսի (HPV) հետ կապված պաթոլոգիական օջախներ
• Պոլիպներ, փոքր նորագոյացություններ
• Նախաքաղցկեղային և քաղցկեղային փոփոխություններ (CIN, carcinoma in situ)
• Արյունատար անոթների կառուցվածքային անոմալիաներ

Վաղ փուլերում հայտնաբերված փոփոխությունները հաճախ բուժվում են ավելի պարզ և արդյունավետ մեթոդներով, ուստի կանոնավոր կոլպոսկոպիան շատ կարևոր է կանանց առողջության պահպանման համար։

Ինչպե՞ս պատրաստվել կոլպոսկոպիային

Հետազոտության ճշգրիտ արդյունքներ ստանալու համար անհրաժեշտ է ճիշտ նախապատրաստվել․

• Հետազոտությունից 1-2 օր առաջ խուսափել սեռական հարաբերություններից
• Չօգտագործել հեշտոցային մոմիկներ, գելեր կամ այլ տեղային դեղամիջոցներ, եթե բժիշկը չի ցուցել տվյալ դեղամիջոցը
• Չկատարել հեշտոցի լվացումներ
• Եթե առկա է բորբոքում կամ արյունահոսություն, հետազոտությունը ցանկալի է հետաձգել մինչև վիճակի կարգավորումը
• Բժիշկը կարող է տալ անհատական ցուցումներ՝ կախված պացիենտի վիճակից և ուղեկցող խնդիրներից։

Ինչպե՞ս է իրականացվում կոլպոսկոպիան

Կոլպոսկոպիան կատարվում է գինեկոլոգիական աթոռին և համարվում է ոչ ինվազիվ, անցավ և անվտանգ հետազոտություն։ Հետազտությունը սովորաբար տևում է 10–20 րոպե և չի պահանջում անզգայացում։

Ցիկլի ո՞ր օրը կատարել կոլպոսկոպիա

Կոլպոսկոպիայի համար ամենահարմար ժամանակը դաշտանային ցիկլի 7–12-րդ օրերն են՝ դաշտանի ավարտից անմիջապես հետո։ Այս փուլում արգանդի վզիկի և հեշտոցի լորձաթաղանթը առավել հստակ է տեսանելի, իսկ տեսադաշտը՝ մաքուր, ինչը թույլ է տալիս բժիշկին առավել ճշգրիտ գնահատել հյուսվածքների վիճակը։

Ի՞նչ անել, եթե կոլպոսկոպիայի ժամանակ արգանդի վզիկը չի գունավորվել յոդով

Կոլպոսկոպիայի ընթացքում յոդային թեստը (Շիլլերի փորձ) կիրառվում է՝ առողջ և ախտահարված հյուսվածքները տարբերելու համար։ Առողջ հյուսվածքը սովորաբար յոդի ազդեցությունից շագանակագույն է դառնում։

Եթե որոշ հատվածներ չեն գունավորվում, դա կարող է վկայել՝

• Լորձաթաղանթի բորբոքային փոփոխությունների մասին
• Նախաքաղցկեղային վիճակի կամ դիսպլազիայի առկայության մասին
• Վիրուսային վարակների հետևանքով առաջացած հյուսվածքային փոփոխությունների մասին

Այսպիսի արդյունքների դեպքում բժիշկը կարող է նշանակել լրացուցիչ հետազոտություններ՝ բիոպսիա, HPV թեստ, ցիտոլոգիա։

Որտե՞ղ իրականացնել կոլպոսկոպիա Երևանում

«Նաիրի» բժշկական կենտրոնում կոլպոսկոպիան իրականացվում է ժամանակակից օպտիկական սարքավորումներով, բարձր որակավորում ունեցող գինեկոլոգների կողմից։ Մեր առավելությունները՝

• Ժամանակակից սարքավորումներ
• Անհատական մոտեցում և հարմարավետ միջավայր
• Հնարավորություն իրականացնել հետազոտությունը միջազգային չափանիշներին համապատասխան

Գրանցվելու համար կարող եք զանգահարել 89 00 հեռախոսահամարին կամ այցելել «Նաիրի» բժշկական կենտրոն՝ Պարոնյան 21 հասցեով։