Լուրեր
Բարդ համակցված վիրահատություն «Նաիրի» և Դիլիջան ԲԿ-ների քիթ-կոկորդ-ականջաբաններ կողմից
04 Հունվար 2024 | Լուրեր | Քիթ-կոկորդ-ականջաբանություն | Լևոն Ռաֆայելի Թորոսյան
«Նաիրի» և «Դիլիջան» ԲԿ-ների քիթ-կոկորդ-ականջաբաններ Լևոն Ռաֆայելի Թորոսյանը և Արման Լեռնիկի Ազարյանը իրականացրել են բարդ համակցված վիրահատություն, որը եզակի է ոչ միայն Հայաստանի, այլև ամբողջ աշխարհի համար:
26-ամյա բուժառուն դիմել է «Դիլիջան» ԲԿ` գանգատվելով քթով շնչառության դժվարացումից, քթի արտաքին տեսքից և ծոծրակային շրջանի ցավերից: Ըստ անամնեստիկ տվյալների` բուժառուն 13 տարեկանում ունեցել է քթի շրջանում կոտրվածք և վերջինիս կապակցությամբ կատարվել է սետպտոպլաստիկա (միջնապատի ուղղում):
Ըստ քթի արտաքին զննման, շոշափման և ՀՏ հետազոտության տվյալների` քառանկյուն աճառը լիովին բացակայում էր (վերջինիս պատճառով բուժառուն ուներ թամբաձև քիթ),առկա էր քթի միջնապատի դեֆորմացիա, քրոնիկ հիպերտրոֆիկ ռինիտ և սֆենոիդալ խոռոչի մուկոցելե։
Որոշում է կայացվել կատարել ռինոսեպտոպլաստիկա` օգտագործելով կողաճառի պատվաստ, ստորին խեցիների լատերոպոզիցիա, կոագուլյացիա, ձախակողմյան սֆենոիդոտոմիա էնդոսկոպի հսկողությամբ:
Վիրահատության արդյունքում` սֆենոիդալ խոռոչից հեռացվել է բուշտը, ուղղվել է բուժառուի քթի արտաքին տեսքը, քթի միջնապատը, վերականգնվել է շնչառությունը:
Լուսանկարներում ցուցադրված է պացիենտը` նախքան վիրահատությունը և դրանից հետո:
Վիրահատական ընթացքից կադրեր կարող եք դիտել մեր տտելեգրամյան ալիքում, անցնելով հետևյալ հղումով՝
Նմանատիպ հոդվածներ
-
-
-
17 ամյա աղջիկը հաղթահարեց քաղցկեղը - եզակի վիրահատություն Հայաստանում
03 Դեկտեմբեր 2023
-
«Նաիրի» ԲԿ օնկոգինեկոլոգիական ծառայության նվաճումների գրավականը
11 Հունվար 2019
-
Դիտել բոլորը
Բաժանորդագրվեք` ստանալու տեղեկատվություն