«Նաիրի» բժշկական կենտրոնի առաջին վիրաբուժական բաժանմունքը ամբողջությամբ վերանորոգվել է

Վերջերս ավարտվել է «Նաիրի» բժշկական կենտրոնի առաջին վիրաբուժական բաժանմունքի հիմնանորոգման աշխատանքները։ Բաժանմունքը այժմ համապատասխանում է Եվրոպական բարձր չափանիշներին՝ միաժամանակ ապահովելով որակ, հարմարավետություն և ներդաշնակ միջավայր։

Նորացվել է կահավորանքը, բաժանմունքը համալրվել է ժամանակակից բժշկական սարքավորումներով։ Հատուկ ուշադրություն է դարձվել ինչպես պացիենտների, այնպես էլ մասնագետների հարմարավետությանը։

Վերանորոգվել և ամբողջությամբ կահավորվել են հիվանդասենյակները՝ ապահովելով բոլոր անհրաժեշտ պայմանները։ Յուրաքանչյուր պալատում կա հեռուստացույց, անսահմանափակ ինտերնետ, անհրաժեշտ իրեր և ապահովված է երեք անգամյա սնունդ։

Պացիենտների հարմարության համար յուրաքանչյուր մահճակալի կողքին տեղադրված է օգնության կոճակ, որը միացված է շուրջօրյա սպասարկման համակարգին․ կոճակը սեղմելուց հետո բուժաշխատողը մի քանի վայրկյանի ընթացքում մոտենում է պացիենտին։

Բաժանմունքի ժամանակակից կահավորանքը, լուսավորության լուծումները, գեղարվեստական աշխատանքները և մաքրության բարձր մակարդակը ստեղծում են հանգիստ և դրական մթնոլորտ՝ նպաստելով պացիենտների հոգեբանական հավասարակշռությանը և արագ ապաքինմանը։

Բաժանմունքում մատուցվում են հետևյալ ծառայությունները՝
 

•  Ընդհանուր վիրաբուժություն
•  Գինեկոլոգիա և օնկոգինեկոլոգիա
•  Վնասվածքաբանություն և օնկոօրթոպեդիա
•  Պրոկտոլոգիա
•  Կրծքավանդակի վիրաբուժություն
•  Էնդոկրին վիրաբուժություն
•  Ընդհանուր և նեղ մասնագիտական թերապևտիկ ծառայություններ

Բաժանմունքի ղեկավարն է բժշկական գիտությունների դոկտոր, պրոֆեսոր Անդրանիկ Ադամյանը, որի ղեկավարությամբ «Նաիրի» ԲԿ-ում երկար տարիներ իրականացվում են ստամոքսաղիքային, պանկրեատոբիլիա և կոլոպրոկտոլոգիական բարդ վիրահատություններ՝ հիմնականում լապարոսկոպիկ մեթոդներով։

Ինչպես առաջատար բժշկական կենտրոններում, այստեղ ևս յուրաքանչյուր պացիենտի տրամադրվում է անհատական մոտեցում, իսկ բոլոր բժշկական տվյալները վարվում են էլեկտրոնային համակարգով։ Անհրաժեշտության դեպքում հիվանդության դեպքերը քննարկվում են մասնագիտական թիմի կողմից՝ ապահովելով համալիր և արդյունավետ բուժում։

Տաք, բարեհամբույր և հոգատար մթնոլորտը «Նաիրի» բժշկական կենտրոնում նպաստում է պացիենտների արագ ապաքինմանը և լիարժեք առողջացմանը։