Ձվարանների ՈՒՁ

Ձվարանների ուլտրաձայնային հետազոտությունը առաջնային տեղ է զբաղեցնում բոլոր ախտորոշման մեթոդների մեջ՝ շնորհիվ իր բարձր տեղեկատվականության, ոչ ինվազիվ լինելու և դինամիկայում բազմակի հետազոտություններ անցկացնելու հնարավորության, առանց վնասելու հիվանդի առողջությունը: Սարքավորումների բարձր տեսողական ունակությունը հնարավորություն է տալիս հայտնաբերելու պաթոլոգիաները և ավելի մեծ ճշգրտությամբ ներկայացնել հյուսվածքների միկրոկառուցվածքի պատկերը, ինչը թույլ է տալիս բարձրացնել ախտորոշման և բուժման արդյունավետությունը հիվանդության զարգացման վաղ փուլերում:

Ձվարանների ուլտրաձայնային հետազոտությունը կարևոր և հաճախ կիրառվող ախտորոշիչ հետազոտություն է: Այն թույլ է տալիս պատկերել ձվարանները, գնահատել դրանց չափը, կառուցվածքը, կիստաների, ուռուցքների և այլ պաթոլոգիական փոփոխությունները: Ձվարանների ուլտրաձայնային հետազոտությունը անվտանգ, ոչ ինվազիվ և տեղեկատվական ախտորոշման մեթոդ է, որը չի պահանջում կոնտրաստային նյութերի ընդունում և վնասակար ազդեցություն չի ունենում մարմնի վրա:

Ձվարանների ուլտրաձայնային հետազոտությունը կարող է իրականացվել երկու եղանակով՝ տրանսաբդոմինալ և տրանսվագինալ։ Տրանսաբդոմինալ ուլտրաձայնը կատարվում է որովայնի պատի միջոցով և հարմար է նախնական հետազոտության կամ հղիության ընթացքում։ Տրանսվագինալ ուլտրաձայնը կատարվում է հատուկ զոնդի միջոցով, որը տեղադրվում է հեշտոցում և թույլ է տալիս ստանալ ձվարանների և կոնքի օրգանների ավելի մանրամասն պատկեր:

Հետազոտման ցուցումներ՝

Ձվարանների ուլտրաձայնային հետազոտությունը իրականացնելու անհրաժեշտություն կարող է առաջանալ հետևյալ դեպքերում՝

Ցավ որովայնի ստորին հատվածում. Ցավը կարող է վկայել բորբոքման, կիստաների կամ ձվարանների այլ պաթոլոգիաների մասին:
Դաշտանային անկանոնություններ. Ուլտրաձայնային հետազոտությունը կարող է օգնել բացահայտել անկանոն կամ ցավոտ դաշտանների պատճառները:
Կասկածելի կիստաներ կամ ուռուցքներ. Ձվարանների կիստաների կամ նորագոյացությունների հայտնաբերում և մոնիտորինգ:
Անպտղություն. բեղմնավորման հետ կապված խնդիրների դեպքում ձվարանների և ֆոլիկուլների վիճակի գնահատում:
Բուժման մոնիտորինգ. ձվարանների վիճակի մոնիտորինգ հորմոնալ դեղամիջոցներով բուժման ընթացքում կամ վիրահատությունից հետո:
Հղիության պլանավորում. Ձվարանների պահուստի և ձվարանների վիճակի գնահատում մինչև բեղմնավորումը:

Ձվարանների ՈՒՁ

Ինչպե՞ս նախապատրաստվել հետազոտությանը

Ձվարանների ուլտրաձայնային հետազոտության պատրաստումը կախված է հետազոտության մեթոդից.

Տրանսաբդոմինալ ուլտրաձայնային հետազոտություն. պացիենտին խորհուրդ է տրվում հետազոտությունից մեկ ժամ առաջ խմել 1-1,5 լիտր ջուր և չդատարկել միզապարկը:

Տրանսվագինալ ուլտրաձայնային հետազոտություն. հատուկ նախապատրաստություն չի պահանջվում, սակայն խորհուրդ է տրվում դատարկել միզապարկը մինչ հետազոտությունը ՝ հարմարավետությունն ու պատկերի որակը բարելավելու համար:

Ե՞րբ իրականացնել հետազոտություն

Ձվարանների ուլտրաձայնային հետազոտության կատարման օպտիմալ ժամանակը համարվում է դաշտանային ցիկլի առաջին կեսը՝ սովորաբար 5-ից 10-րդ օրը։ Այս ժամանակահատվածում ձվարանները գտնվում են նվազագույն հորմոնալ փոփոխությունների վիճակում, ինչը թույլ է տալիս ստանալ առավել ճշգրիտ տվյալներ։ Այնուամենայնիվ, կախված հետազոտության նպատակից, ուլտրաձայնային հետազոտությունը կարող է իրականացվել ցիկլի այլ օրերի:

Երևանում ձվարանների ուլտրաձայնային հետազոտություն իրականացնելու համար կարող եք դիմել «Նաիրի» բժշկական կենտրոն։ Մեր բժշկական կենտրոնը հագեցած է ժամանակակից ուլտրաձայնային սարքավորումներով և ունի բարձր որակավորում ունեցող մասնագետներ, ովքեր ճշգրիտ ախտորոշում և անհատական մոտեցում կցուցաբերեն յուրաքանչյուր պացիենտին։

Կապ հաստատեք մեզ հետ զանգահարելով 8 900 կամ +37491555156 հեռախոսահամարներով կամ այցելելեք «Նաիրի» բժշկակակն կենտրոն, Պարոնյան 21։

Ձվարանների ՈՒՁ

Հետազոտման ցուցումներ՝

Ինչպե՞ս նախապատրաստվել հետազոտությանը

Ե՞րբ իրականացնել հետազոտություն

Ծառայությունների ցանկ